Kaffistofu Samhjálpar lokað

Eina kaffistofa landsins sem var opin alla daga og þar sem enginn viðskiptavinur þurfti að borga er lokuð. Samhjálp hefur rekið þessa kaffistofu í mörg ár og ég fullyrði að hún hefur bjargað mörgum mannslífum. Það er skömm að því að borgaryfirvöld hafi ekki aðstoðað Samhjálp við að finna viðeigandi húsnæði. Það fólk sem oftast kom hafði ekki í önnur hús að venda. Slík var neyð þeirra. Og nú er hún enn meiri. Á morgun verða borgaryfirvöld að gera ellt sem hægt er til að finna nýtt húsnæði fyrir kaffistofuna. Reyndar var fyrirséð fyrir löngu síðan að finna þyrfti nýtt húsnæði þannig að þessi staða átti ALDREI að koma upp. Brettið nú upp ermarnar og hefjið leit að húsnæði. Okkar minnstu meðborgarar bíða. Af stað!

Kaffistofu Samhjálpar lokað

Athugasemdir

[Sigmar Þór Sveinbjörnsson, 6.9.2007 kl. 22:10]

Góður pistill hjá þér Guðni, ég er þér innilega sammála það verður að finna strax gott húsnæði fyrir kaffistofu Samhjálpar.

[Guðni Már Henningsson, 6.9.2007 kl. 22:16]

Það er algjör skömm að því að svona er komið. Ef einhver annar hópur en utangarðsmenn og smælingjar hefði þurft húsnæði hefði fyrir löngu verið búið að finna nýtt húsnæði. Það er verst að ég bý í Hafnarfirði annars hefði ég opnað mína íbúð undir starfsemina. En, svona kaffistofa þarf að vera í miðborg Reykjavíkur því viðskiptavinir kaffistofunnar eiga fæstir fyrir strætófargjöldum, sem eru raunar alltof há. Takk fyrir athugasemdina Sigmar Þór.

[Haraldur Haraldsson, 6.9.2007 kl. 22:22]

Sæll Guðni Már ,þarna erum við sko sammála ein sog oft i gamla daga/Kveðja Halli gamli

[Guðni Már Henningsson, 6.9.2007 kl. 22:27]

Við erum alltaf sammála kæri vinur. Við vorum jú einusinni saman í Svörtu hendinni!

[Guðni Már Henningsson, 6.9.2007 kl. 22:45]

Eitt í viðbót; Ég skora á alla bloggara að taka þetta mál upp. Sýnum samstöðu og krefjumst úrbóta. Það er hlustað á okkur (eða réttara sagt skrif okkar eru lesin)! Sýnum samstöðu og hjálpum Samhjálp. Það þarf að finna húsnæði strax!

[ark (IP-tala skráð) 6.9.2007 kl. 23:08]

Ég skil ekki afhverju gamla Morgunnblaðshöllin í Aðalstræti virðist vera hálf ónotuð mánuðum saman. Hvernig væri að nota smá part af því risastóra húsnæði??? allavega til bráðabyrgða þar til varanleg lausn er fundin. Eða þá Landsímahúsið??? Gaaaaaaaaaaaaaltómt!? 

skrítið...............

[Guðni Már Henningsson, 6.9.2007 kl. 23:18]

Góð hugmynd!

[Einar Bragi Bragason., 6.9.2007 kl. 23:53]

Þetta er náttúrulega smán að okkar landi sé verið að loka þessum stað.......og ef einhver hrokagikkur sem les þetta hugsar. ....hva eru þetta ekki bara aumingjar,atvinnulaust pakk og fýklar sem sækja þangað þá er svarið... jú örugglega er hægt að kalla það þessum nöfnum..........en það vill enginn þurfa að vera svona.

Ég nota þessa setningu oft þegar að ég hef þurft að hafa afskipti af ógæfufólki eins og það er kallað...það er kannski ruglað og ósnyrtilegt og já jafnvel dónalegt....en það vill enginn vera svona....þetta er fólk eins og við.

Það er bara veikt.

Þessi setning virkar og fær mann til þess að losna við allan hroka sem kann að leynast inn í manni, mevitaður eða ómeðvitaður.

[Guðný GG, 7.9.2007 kl. 08:28]

Sammála Guðni , mágur minn átti húsið vinstra megin á myndinni sem fylgir þessari færslu .Hann tók það allt í gegn á sínum tíma svo maður var duglegur að kíkja til hans og kynntist soldið fólkinu í Samhjálp í leiðinni .Það sem ég lærði er að það geta allir lent í þeim aðstæðum að missa allt sem þeir eiga og það er ekkert endilega drykkja eða eiturlyf sem koma við sögu .Það er svo margt annað

[Jenný Anna Baldursdóttir, 7.9.2007 kl. 09:12]

Takk fyrir pistla Guðni Már.  Ég skal taka þetta mál upp hjá mér líka.  Hafði reyndar ákveðið að gera það um leið og ég heyrði af því. 

Njóttu dagsins.

[Ásthildur Cesil Þórðardóttir, 8.9.2007 kl. 01:50]

Heyrði í fréttum í kvöld að það væri verið að ganga frá leigu á húsnæði fyrir kaffistofuna.  Mjög gott mál ef svo er.  Óska þeim alls góðs. 

[Guðni Már Henningsson, 8.9.2007 kl. 02:48]

Við skulum vona Ásthildur að eitthvað fari að gerast...og auðvitað óskum við þeim alls góðs...og einnig þeim sem eiga eftir að koma á kaffistofuna.

[Ásthildur Cesil Þórðardóttir, 8.9.2007 kl. 19:36]

Já auðvitað, þeir voru reyndar með inni í óskapakkanum hjá mér