.......og svo ertu farin.

 

 

Út í kvöldkulið sendi ég þig

með gamlar vísur á bakinu

um tvö hjörtu sem slógu

ekki í takt

farðu vel og komdu ekki aftur

því á morgun verður nýr dagur

ný veröld

ný sól

 

út í kvöldkulið sendi ég þig

en geymi fyrir þig byrðarnar

enn er pláss í skoti mínu

þó kyrnur margar séu yfirfullar

á eftir þér sendi ég ljós

til að ylja þér við

í hinum flóknu dögum sem aldrei

líta dagsljósið

 

svo aftur verða dagarnir taldir

og aftur verða dagarnir margir

enn á ég lítið ljós

sem er skærara en önnur

 

út í náttsvalann sendi ég þig

til að dvelja hjá þínum

ég raula fyrir þig gamlan sálm

um þögnina

og svo ertu farin.

Ólga

 

 

Nú þegar himnarnir bráðum lokast

og eilífðin er að verða miðaldra

er tími kominn

á að hinar rispuðu nætur

leggist á hnén

í ljósaskiptunum

og biðji um sál

 

og vindarnir blása og regnið lemur

samt sem áður er ekki

svo langt að fara

en gegndrepa verðum við

á leið til hinna horfnu þjóða norðursins

til að ná heim aftur með

hjartað í brjósti

með hinar hreinu nætur

í blóði voru til úthellingar

fyrir framtíð sem

er að verða miðaldra

og himnarnir lokast bráðum

 

ó hve ég sakna þín

brumhnappur hins horfna norðurs í austrinu

sendu mér æsku þína

áður en miðaldra rispaðar nætur

safna saman ljónunum og koma þeim fyrir

á veginum miðjum

 

komdu til mín með ólguna

sem bundin er í smækkun og stækkun lands þíns í austri

áður en himnarnir lokast

og  hjartað hættir að slá

 

ó hve ég sakna þín

á hnjánum

biðjandi um ódauðlega sál.

Slepptu sólarlaginu

 

 

Gætir þú gert mér þann greiða

að sleppa vorinu úr sólarlaginu okkar

syngdu frekar um myrka heimskautanótt

svo ferðin verði auðveldari og ekki

á brattann að sækja

kanski kemur einhver á eftir okkur

með kærleikann í öskupoka

og nælir með sorgbitnum augum

og stirðum fingrum

í þögninni og kuldanum

öskupokann í frakkalafið

á einhverjum öðrum

sem á það frekar skilið

en við tvö

slepptu vorinu

úr sólarlaginu okkar

því sólin er þegar sest

og óvíst hvort hún birtist á ný.

 

Vængir

 

Það var þar sem margur má við engum

og allt var endurtekið

og enginn mátti yfirgefa

hinn sökkvandi sæ í skútuna einu

og ef þetta verður í síðasta sinn sem ég sé andlit þitt

mun ég muna stríðið sem aldrei átti sér stað

lyftum glösum fyrir gamla landinu okkar sem gengið hefur

í endurnýjun dauðdaga

og syfjuð augnablikin með vökustaurana

stara á einhvern sushibar sem enginn þolir

en við áttum þar stað og stund

endur fyrir alltof stuttu

svo stuttu að ég skammast mín

og sendi þér vængi á kveðjum

yfir háhýsin sem hríslast af áfergju undan

ástarbrímanum eintóna

og gripið er ískalt

og sælan var stutt

þar sem margur má við einum

verður ekkert endurtekið

og líklega aldrei bökuð sú kaka

sem átti að skreyta með

heimkomum og tónlist

sem átti að óma fyrir tvítóna eintóninn sem er

reyndar þagnaður að fullu.

In my life

There are places i'll remember
All my life though some have changed
Some forever not for better
Some have gone and some remain
All these places have their moments
With lovers and friends i still can recall
Some are dead and some are living
In my life i've loved them all

But of all these friends and lovers
There is no one compares with you
And these memories lose their meaning
When i think of love as something new
Though i know i'll never lose affection
For people and things that went before
I know i'll often stop and think about them
In my life i love you more

Though i know i'll never lose affection
For people and things that went before
I know i'll often stop and think about them
In my life i love you more
In my life i love you more

Mikið er ég....

...óskaplega feginn að búa ekki í Reykjavík. Þvílíkur hópur af  1/2 vitum...

 

...  er líklega það besta sem völ er á í borginni......og þó víðar væri ....

Þú

 

Við gluggann gældi máninn

í gærdagsins feluleik

ég sat og syrgði eitthvað

sem einhver eittsinn sveik

hvað það var ég vissi ekki

þig ég veit ég næstum þekki

 

ég talaði við tunglskinið

um trúnað við ekki neitt

og allt sem þér var ætlað

en ekki af hendi reitt

en hver þú ert það veit ég ekki

og þig held ég að enginn þekki

Vill einhver selja mér sjónvarp????

 

 

 

 

 

Nú er fína 32 widescreen Philips tækið mitt farið í stóra sjónvarpshimnaríkið. Ef einhver vill selja mér álíka tæki, nú eða einhvernveginn öðruvísi tæki þá yrði ég óskaplega glaður og myndi ánægður hækka yfirdráttinn.... Ef einhver býr svo vel að eiga auka sjónvarp þá má hinn sami skilja eftir símanúmer hérna fyrir neðan eða senda mér tölvupóst á [e-mail] Þúsund þakkir fyrir að lesa þetta jafnvel þó að þið eigið ekkert aukasjónvarp....

Þar sem ég fer.

 

 

 

 

 

 

 

þar sem ég fer
sé ég þig tilbiðja vindinn
þar sem ég fer
sé ég þig breyta degi í nótt
sé ég þig með bros sem talar við augun
sem frosin stara á götuna mína
sem leiðir mig að vötnum
þar sem allir eru farmenn
þar sem allir voru brotnir
áður en himininn opnaði sig
þar sem ég fer
án þess í rauninni að kveðja
og skil traustið mitt eftir
sé ég þig með allar samtengingarnar
sem þú hélst eilífar
og blómið sem gréri meðal þyrnanna
er ekki lengur okkar þar sem ég fer

Johnny Cash

 

 

 

 

 

 

 

Þar sem eyðimerkurnar blómstra
og sól og tungl eru víðsfjarri
er leikvöllur allra þeirra
sem eittsinn kunnu ekki að leika sér
og bræður mínir úr nóttinni
og systur mínar úr lyginni
eru ekki lengur klædd svörtu
við fótskör meistarans situr hvítklæddur
maðurinn svartklæddi
með gítarinn