Sá ekki til sólar.

Sá ekki til sólar
né ský á himni
fann ekki frerann
fimbulkaldann
dó ekki Drottni
dýrðar ljómans
leit ekki lífið
né leik að kveldi
naut ekki nátta
í niði köldu
uns kom ég kaldur
að krossins tré
kærleikans Kristur
kyssti frerann
sól í suðri
skein á himni
lítill ég laut
lífsins herra.

Ég er viss um að...

...þetta er rétt hjá íbúunum. Aðgát skal höfð í nærveru fjalls. Ekki hoppa á fjalli, ekki öskra á fjalli og ekki hreyfa fjöll úr stað...jafnvel þó að trúin sé næg. Leyfum fjöllum að sofa. Auðvitað hrista fjöll sig ef þau eru vakin harkalega, hvort sem er með skarkala eða ljósamengun, þetta vita flestir fjallabúar. Og vonandi að íbúar í Vík í Mýrdal taki nótis af þessu, hafi hljótt um sig svo fjöllin sofi. Hver sagði að fjöllin hefðu vakað í þúsund ár? Er þá ekki kominn tími til að leyfa þeim að blunda aðeins? Þögnin og svefninn verður seint oflofað..og leti er dyggð, þó að það sé önnur saga, auk þess legg ég til að....og munið! Hljómsveitin Jagúar spilar í beinni útsendingu í dag í Popplandi á Rás 2. Höldum þeim vakandi!!

Ef ljósin eru slökkt og talað lágt mun fjallið ekki gjósa

Svindl!

Þar klikkaði það....ég sem var búinn að slá lán fyrir miða....ekki það að ég þurfi risaþotu..Cessna hefði líklegast dugað..en hún nær ekki svona langt uppí loftið....þegar hún flýgur á ég við!! En nú er bara að ná sér niður aftur..

Háloftakynlíf bannað í risaþotu Airbus

Eitt þúsund millibör

Hundrað komma átta milljarðar aukning komma sjö sinnum þúsund milljarðar og hagnaður óx og dróst saman milljarðar.....Þetta rennur allt saman í einn hrærigraut fyrir augunum mínum.. nú veit ég kanski hvernig lesblindum líður.. En samt...svona tölur er eitthvað sem hinn venjulegi íslendingur er farinn að hafa á hraðbergi, talar um milljarða svona daglega eða svo. Enda ekkert skrítið, það er verið að segja okkur frá milljarða fjárfestingum í öllum frétta tímum..þetta milljarðatal er einsog veðurfréttir fyrir mér..þúsund milljónir hundrað millibör hagnaður lægð þrýstilínur samanlagður hagnaður dróst saman hæð og skafrenningur!!! Það eina sem ég veit er að einn milljarður er eitt þúsund milljónir..EINN milljarður er EITT þúsund milljónir..eða bara peanuts...svosem ekkert á milli vina.. en bankarnir eiga 10503 milljarða eða TÍU ÞÚSUND FIMM HUNDRUÐ OG ÞRJÚ ÞÚSUND ÞÚSUND MILLJÓNIR eða millibör eða hæð yfir Grænlandi.. og enn lifa aldraðir margir hverjir við hungurmörk...

Hagnaður viðskiptabankanna dregst saman á þriðja ársfjórðungi

Hér er mitt.

Hér er mín leið þinn kross og þitt ljós
hér er mín löngun mitt blóm og mín rós
þú gafst mér þinn veg þinn arf og þitt þor
þinn vetur og haust og morgunsins vor.

Hér er mitt beð minn hringur mín hönd
hér er mitt líf mín sála mín önd
Þú gafst mér þitt bros þinn staf og þitt líf
ég þarfnast þín alltaf er brattann ég klíf.

Hér er mín nótt minn morgunn mitt kvöld
hér er þinn dagur þinn máttur þín völd
þú gafst mér ó Guð þitt loforð þinn stað
þú komst strax til mín þegar ég bað.

Page.

 

Það er einsog dagsetningin 9. janúar sé með eindæmum gjafmild er kemur að tónlistarfólki. Margur snillingur hefur fyrst séð ljós þessa heims á þeim ágæta degi. Til dæmis fæddust 9. janúar eftirtaldir: Les Paul, sá sem hannaði hinn fræga Gibson Les Paul rafmagnsgítar, fæddist árið 1915,söngkonan Joan Baez árið 1941, sá umdeildi snillingur Scott Engel, betur þekktur sem Scott Walker, fæddist árið 1944, sveitasöngkona Crystal Gayle árið 1951, rokkarinn bandaríski Dave Matthews árið 1967, Alex McLean í Backstreet Boys árið 1978 og hinn óumdeildi snillingur Jimmy Page árið 1944. Hann hefur starfað sem tónlistarmaður í meira en fjörtíu ár. Hann var lengi svokallaður sessionmaður í hinum ýmsu hljóðverum í Lundúnaborg. Hann byrjaði reyndar nánast sem kornabarn að spila á hina guðdómlegu gígju. Fjölskyldunni var gefin spænskur gítar og hinn ungi James snerti strengina og brátt fóru að hljóma dáindis  fagrir tónar úr hljóðfærinu. Framtíð hans var ráðinn.

Fyrsta platan sem hann spilaði inná og náði einhverjum vinsældum var Diamonds, með Jet Harris og Tony Meehan. Jet Harris var í The Shadows en það er önnur saga.

Jimmy Page gekk í hljómsveitina The Yardbirds árið 1966. Sú hljómsveit breyttist smám saman í Led Zeppelin. Það var sumarið 1968. Þá kom einnig í ljós hæfileiki hans til að semja tónlist. Saman skópu þeir Robert Plant söngvari og hann mörg af eftirminnilegustu tónverkum rokksins. Ekki voru þeir við eina fjölina felldir í tónlistarsköpun sinni, því það var ekki eingöngu rokk sem þeir sömdu, einnig blús, folk, jafnvel country og hvað eina. Led Zeppelin sendi frá sér einhverja mögnuðust tónlist allra tíma. Og nú ætla þeir að koma saman á ný. Er það ekki æðislegt? Samt vantar trommarann!!!!

Loksins....

Ég hef nefnilega verið að spekúlera að minnka undirhökuna um umþaðbil rúmlega helming eða svo! Hér á landi mun það vera dýrt tjáir mér manneskja sem einnig vill láta minnka sína undirhöku um umþaðbil helming eða rúmlega það! Ef einhver veit um verðlista vinsamlegast látið mig vita... Svo er ferð til Argentínu örugglega fróðleg þó að maður skilji eitthvað eftir af sjálfum sér í því ágæta landi...sem á nota bene eitthvert flottasta fótboltalandslið í heimi og er heimaland besta fótboltamanns sem uppi hefur verið, sjálfs Maradonna!!! Hann lengi lifi með hjálp Castros...

Í sólbað og svuntuaðgerð

I am he as you are he...

 

I am he as you are he as you are me and we are all together.
See how they run like pigs from a gun, see how they fly.
I'm crying.

Sitting on a cornflake, waiting for the van to come.
Corporation tee-shirt, stupid bloody Tuesday.
MAN, you been a naughty boy, you let your face grow long.
I am the eggman, they are the eggmen, I am the walrus,
goo goo g'joob

Mister City P'liceman sitting
Pretty little policemen in a row.
See how they fly like Lucy in the Sky, see how they run.
I'm crying.
I'm cry------------ing, I'm crying.
I'm cry------------ing.

Yellow matter custard, dripping from a dead dog's eye.
Crabalocker fishwife, pornographic priestess,
Boy, you been a naughty girl and you let your Knickers down.
I am the eggman, they are the eggmen, I am the walrus,
goo goo g'joob.

 

Er þessi junior Aðalsteinsson ekki álíka absúrd og þessi texti Lennons?

Meintur fjárkúgari af íslenskum ættum lifði tvöföldu lífi

Þvílík klikkun...

Þessi upphæð er svo stjarnfræðileg að ég næ ekki upp í hana...2634 milljarðar íslenskra króna á einu ári!! Einungis á EINU ári... fyrir utan það sem þessi þjóð eyðir í hernað og vopn!!! Mikið er ég feginn að þurfa ekki að borga skatta í þessu ríki, sagði einn vinur minn áðan er ég las þessa frétt fyrir hann. Ég tek svo sannarlega undir það... Og það er milljónir manna í bandaríkjunum sem lifa undir hungurmörkum, heimilisleysingjar eru óteljandi, læknisþjónusta ekki fyrir hinn almenna borgara og svona mætti lengi telja...þvílík skömm.

Bandaríkin eyða á þriðja þúsund milljarða króna í leyniþjónustu sína

Þessu fagna ég.

Ég vil óska Suðurnesjabúum til hamingju með að hafa loksins fengið almennilegan her, sjálfan Hjálpræðisherinn. Það væri nær að fleiri myndu feta í fótspor þeirra og losa sig við þungvopnaðan her og fá friðelskandi og kærleiksríkan her sem svo sannarlega lifir eftir fyrirmælum Guðs, því trú án kærleika og verka er ekki uppbyggjandi trú...og í raun einskisnýt. Til hamingju aftur Suðurnesjamenn og áfram Hjálpræðisher...

Nýr her til Keflavíkur