Illt auga?

 

 

 

 

 

 

Kæru vinir sem leggið það á ykkur að kíkja hingað inn öðruhvoru; ég hef lítið sem ekkert farið á bloggið að undanförnu einsog þið sjálfsagt vitið. Ástæðurnar eru margar; hef ekki tíma til þess í vinnunni, hef ekki tíma til þess heima, heimilistölvan er á leiðinni á Þjóðminjasafnið og þar að auki gekkst ég undir uppskurð á auga í gær. Ég er með gerviauga hægramegin og það þurfti að skera í augnlok og setja einhverskonar silikon fyllingar að auki þannig að nú lít ég út einsog sannur sjóræningi! Mun samt verða einsog Marilyn Monroe eftir nokkra daga eða Kermit. Veit ekki hvort. Þetta er semsagt ástæðan fyrir skorti á skrifum og einnig að ég hef ekki kíkt á ykkar heimasíður. Reikna ekki með að fara í vinnu í þessari viku en haldið samt endilega áfram að hlusta á Rás 2!! Guð veri með ykkur öllum.

Athugasemdir

[Steinunn Helga Sigurðardóttir, 27.2.2008 kl. 15:10]

ég elska þig krúttið mitt !! og hlakka svo til að hitta þig "bráðum"

passaðu upp á þig vel og vandlega.

Hugsa til þín elsku vinur.

steina 

[Brynja skordal, 27.2.2008 kl. 16:29]

Knús til þín Guðni minn hafðu það gott

[Marta B Helgadóttir, 27.2.2008 kl. 21:59]

Það er alltaf eithhvað fallegt og áhugavert umfjöllunarefni á síðunni þinni svo það er ekki verið að leggja á sig til að líta í heimsókn heldur er það  bara af löngun.

Hugsa fallega til þín sjóræningi.

Góðan bata