Faðir hér er ég

Ég er svo óskaplega feginn að eiga mér föður á himni. Því einsog Megas segir, Þótt þú gleymir Guði þá gleymir Guð ekki þér. Ég gleymdi Guði æði oft, en þó var hann alltaf til staðar, ég þurfti bara að kalla einusinni og þá var hann við hlið mér.

Ég leitaði meðal blóma

meðal mislitra steina

leit upp til stjarna

horfði á hafið ólmast

eldinn kalla

sá ekkert heyrði ekkert;

Faðir hér er ég.

 

Ég leitaði meðal vatna

meðal ókunnra stíga

leit inn í mitt hjarta

horfði á stjörnur hrapa

tunglið hrópa

sá ekkert heyrði ekkert;

Faðir hér er ég.

 

Ég leitaði til himins

meðal lifandi orða

leit á þinn kross

horfði á þjáningu þína

náðina kalla

sá allt heyrði allt;

Faðir hér er ég.

 

 

 

Athugasemdir

[Ylfa Mist Helgadóttir, 26.9.2007 kl. 18:24]

Ljóðið er fallegt.

[Ragga (IP-tala skráð) 26.9.2007 kl. 19:12]

Ég er guðlaus með öllu en ljóðið er engu að síður fallegt.

[Ágúst Böðvarsson, 26.9.2007 kl. 20:38]

Gaman að lesa falleg ljóð. Kemst alltaf í einhvern lagasamningagír þegar ég rek augun í ljóð, og það falleg eins og þín.

[Guðni Már Henningsson, 27.9.2007 kl. 10:55]

Takk fyrir falleg orð...og Gústi...gerðu þá eitthvað í því

[Steinunn Helga Sigurðardóttir, 27.9.2007 kl. 13:23]

segi bara eitt, elskustu vinurinn minn, þú ert dásamlegur

AlheimsLjós til þín

steina 

[Rannveig Margrét Stefánsdóttir (IP-tala skráð) 28.9.2007 kl. 00:40]

Já, Hann er alltaf með opinn faðminn. Takk fyrir Guðni Már 

[Bryndís Böðvarsdóttir, 4.10.2007 kl. 17:56]

Þetta er æðislegt ljóð. Hlakka til að heyra það með lagi.