Sólarsamba nr.2

 

 

 

 

 

 

Ég hitti þig aftur bakvið opnar dauðans dyr
þú dansaðir þína sömbu aleinn út í bláinn
ég er feginn að ég skildi ekki rekast á þig fyrr
en fegnastur því að þú ert næstum því dáinn.

Ég bauð þér ekki í arminn uppá gamlan kunningsskap
hér áður fyrr við tókum gjarnan sporið
þá dönsuðum við sömbu inní ginningarfíflsins gap
er gamalt það varð haustið þá um vorið.

Við áttum það til að enda okkar stífudans
á öfugugga kollhnís og liggja síðan flatir
við stigum gátum aldrei hinn forna Óla Skans
því ungir vorum við gamlir og helst til latir.

Þú dansaðir þína sömbu með gleði bakvið sól
og skildir ekki þegar sló hún Líkaböng
í hádegisstað var Venus er haninn þrisvar gól
ég húfuna tók ofan og dró í hálfa stöng.

Kveðja.

 

 

 

 

Það er satt að allir menn sem þú áttir
voru eittsinn höfuðlausnin þín
og þú kunnir að kankast á við þá
og kreista úr þeim næringu
líktog væru þeir lofnarblóm
á líknarbelg allra þeirra barna
sem ófædd önduðust
undrandi spyrjandi deyjandi
í blóði þeirrar bleyðu sem grátandi
blátt áfram bugaðist
ólánsöm og einmana
með alla þá sem hún elskaði
einhversstaðar í hítinni
 útjaskaða ónýta
undrandi spyrjandi
-því tókstu mig með töngum
tafsandi sonartorrekið
er ég átti eftir að elska þig
af allri orku minni
nú ligg ég hér í leynidys
lágt er á mér eigið ris
þú kastaðir á mig kveðju
er komin var heilög nótt
og allir menn sem þú elskaðir
undrandi til himnanna
litu í leit að festu
hjá lofnarblómakrönsunum
sem skreyttu skýin
skjálfandi
höfuðlausum her. 

Ný Hvítasunnukirkja í Reykjavík.

 

 

 

 

 

 

Í dag, páskadag var stofnuð ný hvítasunnukirkja í Reykjavík. Mózaik er nafn hennar. Þetta er sögulegur viðburður því ný hvítasunnukirkja hefur ekki verið stofnsett í Reykjavík í sjötíu ár. Fíladelfía hefur verið eina hvítasunnukirkjan í Reykjavík hingað til. Samkoma var haldin í Háborg, sal Samhjálpar í dag og það mættu á annað hundrað manns. Samkomur verða haldnar á sama stað, Háborg sal Samhjálpar Stangarhyl 3 á miðvikudagskvöldum kl. 20.00 í nánustu framtíð. Prestar eru tveir; Halldór Lárusson og Theodór Birgisson. Nú er ég ekki lengur meðlimur í þjóðkirkjunni heldur í hinum nýja hvítasunnusöfnuði. Guð blessi þessa kirkju sem og aðra kristna söfnuði.

Gleðilega páska.

 Gröf Krists.

 

 

 

Elsku vinir. Gleðilega páska og njótið helgarinnar. Jesús reis upp á páskadagsmorgni og því fögnum við kristnir menn um allan heim. Páskar eru fagnaðarhátíð. Megi Guðs blessun vera með ykkur öllum.

 

Why me Lord

 

Ég var að leika mér við það að þýða Why me eftir Kris Kristofferson..

 

Guð ég spyr

því gafstu mér þessa elsku frá þér

sem að umlykur mig?

 

Seg mér Guð

átti ég eitthvað til sem að ég ekki skil

er ég þekkti´  ekki þig?

 

Guð minn á himnum ég var ekki trúr

hjálp frá Jesú ég þarfnast þess nú

og nú er ég veit hvert er þitt fyrirheit

elsku Jesús sál mín er þín.

 

Get ég Guð

get ég gert eitthvert gagn í að draga þinn vagn

fyrir fólk einsog mig?

 

Kanski Guð

get ég sagt öðrum frá hvernig leiðin mín lá

er ég fann loksins þig.

 

Guð minn á himnum ég var ekki trúr

hjálp frá Jesú ég þarfnast þess nú

og nú er ég veit hvert er þitt fyrirheit

elsku Jesús sál mín er þín.

Guð minn á himnum ég var ekki trúr

hjálp frá Jesú ég þarfnast þess nú

og nú er ég veit hvert er þitt fyrirheit

elsku Jesús sál mín er þín.

 

Jesús, mín sála er þín.

 

Skuggarnir lengjast.

 

 

Skuggarnir lengjast ég sé það nú

því sólin er á leið til glötunar

brátt mun dimma  því nóttin verður ný

og þá næ ég ekki lengur til jötunnar

þá held ég á leið til heimskunnar

og held ég sé á leið til gleymskunnar.

 

Árin þau styttast mínútur mjókka

mörg tungl hafa gengið til þurrðar

ég kemst ekki út því ég fór aldrei inn

ég er því staddur milli stafs og hurðar

mig fýsti á helveg heimskunnar

heim á leið til gleymskunnar.

 

Ég hef kroppað eitt og annað svar

en ekkert af þeim ég vildi

nema eitt sem var í himinsins óra firrð

og eina var það orðið sem ég skildi

er hálfnaður var ég til heimskunnar

haldandi í taumhald gleymskunnar.

 

Þó vorið sé liðið og haustið það hamist

þá held ég að svarið mér forði

frá vetri og kulda og villuljósum

og varla fær það grandað ódauðlegu orði

ég held af vegi heimskunnar

held  í fegurð gleymskunnar

Örfá orð um Arlo Guthrie

   

Arlo Guthrie fæddist í Brooklynhverfi New York borgar 1947. Tónlistaruppeldi hans litaðist mjög af hinum fræga föður hans, Woody Guthrie, og samtímamönnum og samstarfsmönnum hans, Cisco Houston, Leadbelly, Pete Seeger, Ramblin´Jack Elliott og Sonny Terry svo einhverjir séu nefndir. Arlo kom fyrst fram 13 ára gamall og vakti strax feikna lukku fyrir lagasmíðar sínar og sterka texta.

Alices Restaurant er af fyrstu plötu Arlos frá 1967. Þetta lag þeyttist um gjörvalla heimsbyggðina og unglingar þess tíma gerðu það að alþjóðlegum þjóðsöng, sungu þetta í tíma og ótíma. Líklegast er þetta eina lagið sem heil leikin kvikmynd hefur verið gerð eftir. Á eftir plötu númer tvö, sem nefnist einfaldlega Arlo og inniheldur langa útgáfu af The Motorcycle song kom plata sem heitir Running down the road. Þar innanborðs var næsti smellur hans, Coming into Los Angeles.

1972 sendi Arlo Guthrie frá sér plötu sem heitir The Last of the Brooklyn Cowboys. Þessi plata hlaut mikið lof enda ekki að furða. Þarna má finna hans eigin lagasmíðar í bland við meistaraverk einsog Gates of Eden eftir Dylan, gamla kántrýsmellinn Lovesick Blues auk tveggja laga eftir föðurinn sjálfann, Woody Guthrie.

Sama ár sendi Arlo frá sér plötu sem vakti feikna athygli. Og þar innanborðs er líklegast hans frægasta lag, the City of New Orleans. Þetta lag samdi vinur Arlos sem hét Steve Goodman en sá lést langt fyrir aldur fram.

Þetta lag öðlaðist heimsfrægð og er löngu orðið sígilt. Arlo var þegar hér er komið sögu orðinn einn af þeim stóru í tónlistarheiminum. Menn settu hann rétt til hliðar við sjálfan Bob Dylan og þeir voru meiraðsegja til sem töldu hann fremri. Arlo hélt samt áfram einsog lítið sem ekkert væri, hélt áfram að semja sín lög og sína beittu texta.

Arlo hefur starfað mikið með hinum aldna jöfri, Pete Seeger sem á árum áður starfaði afturámóti mikið með föður Arlos, Woody Guthrie. Þeir hafa gefið út einar þrjár tvöfaldar plötur.. Arlo  Guthrie er enn að semja tónlist og gefa út. Þó hefur hann dregið sig töluvert í hlé og gerir í raun bara það sem hann vill. Hann hefur keypt sér búgarð þarsem hann dundar sér við hitt og þetta. Að sjálfsögðu er þar að finna hið fullkomnasta hljóðver og þar tekur hann upp sína tónlist. 1986 stofnaði hann sína eigin plötuútgáfu sem nefnist The Rising son og hann hefur endur útgefið þar allt sitt eldra efni.

Is there anybody out there?????

Comfortably numb.......

 

Hello.
Is there anybody in there?
Just nod if you can hear me.
Is there anyone home?

Come on, now.
I hear youre feeling down.
Well I can ease your pain,
Get you on your feet again.

Relax.
I need some information first.
Just the basic facts:
Can you show me where it hurts?

There is no pain, you are receding.
A distant ships smoke on the horizon.
You are only coming through in waves.
Your lips move but I cant hear what youre sayin.
When I was a child I had a fever.
My hands felt just like two balloons.
Now I got that feeling once again.
I cant explain, you would not understand.
This is not how I am.
I have become comfortably numb.

Ok.
Just a little pinprick. [ping]
Therell be no more --aaaaaahhhhh!
But you may feel a little sick.

Can you stand up?
I do believe its working. good.
Thatll keep you going for the show.
Come on its time to go.

There is no pain, you are receding.
A distant ships smoke on the horizon.
You are only coming through in waves.
Your lips move but I cant hear what youre sayin.
When I was a child I caught a fleeting glimpse,
Out of the corner of my eye.
I turned to look but it was gone.
I cannot put my finger on it now.
The child is grown, the dream is gone.
I have become comfortably numb. 

Ég þarfnast þín

 

 

 

 

Ég þarfnast þín á sumrin og á vorin
ég þarfnast þín er fennir í gengnu sporin
ég þarfnast þín á haustin er laufin falla
ég þarfnast þín er degi fer að halla.

Ég þarfnast þín er ég kann ekki að gráta
ég þarfnast þín er lífið er óleyst gáta
ég þarfnast þín er ég heyri vonir kalla
ég þarfnast þín er degi fer að halla.

Ég þarfnast þín er brosir við mér dagur
ég þarfnast þín er birtist máni fagur
ég þarfnast þín er klingir kvöldsins bjalla
ég þarfnast þín er degi fer að halla.

Ég þarfnast þín á nóttu sem björtum degi
ég þarfnast þín þó ást mín stundum þegi
ég þarfnast þín er álög af mér falla
ég þarfnast þín er degi fer að halla.

The Queen is Dead

 

The Smiths er álitin af mörgum mikilvægasta hljómsveit breta á níunda áratuginum. Hún var stofnuð í Manchester á vordögum árið 1982. Morrissey, en hans rétta nafn er Steven Patrick Morrissey og Johnny Marr og hans rétta nafn er John Maher hófu samstarf sem lagahöfundar og sem slíkir kölluðu þeir sig Smiths. Morrissey hafði starfað með hljómsveitinni Nosebleeds og skrifað gagnrýni í   Record Mirror en Marr afturámóti verið í hinum ýmsu Manchester sveitum og þarámeðal Paris Valentinos, White Dice, Sister Ray og Freaky Party. Er sól fór hækkandi á lofti 1982 ákváðu þeir að stofna hljómsveit og tóku upp nokkur demo með trommaranum Simon Waltencroft. Sá vildi hinsvegar ekki verða fastameðlimur í hljómsveitinni en síðar gekk hann í hljómsveitina Fall. Mike Joyce kom svo í hans stað en hann er einnig frá Manchester einsog þeir Marr og Morrissey.  Mike Joyce hafði verið í pönksveitunum Hoax og Victim. Í lok ársins 1982 gekk svo bassaleikarinn Andy Rourke til liðs við þremenningana og The Smiths var orðin Fullsköpuð.

Náungi að nafni Joe Moss tók þá undir verndarvæng sinn og gerður var samningur við Rough Trade. Fyrsta smáskífan, Hand in Gloves kom út um vorið 1983. Sú komst því miður ekki inná topp fimmtíu svo byrjunin var ekki góð. Ekki gekk næsta smáskífa betur en sú þriðja What difference does it make náði tólfta sæti. Það gerðist í kjölfar misheppnaðrar Ameríkuferðar. Textar Morrissey voru farnir að vekja athygli og umræður. Sitt sýndist hverjum er Morrissey fjallaði um misnotkun á börnum og annað tabú sem ekki voru vanaleg yrkisefni rokkara. Samt sem áður     smellpössuðu textarnir við fínar lagasmíðar Marrs og við glimrandi gítarleik hans.

Fyrsta stóra platan kom út 1984 og var undir stjórn John Porter. Hét afurðin einfaldlega The Smiths og hlaut einróma lof.

En við skulum fara fram á við og til ársins 1986. Þá um vorið kom út þriðja hljóðversplata The Smiths, The queen is dead.

Þeir eru margir sem halda því fram að hér sé um bestu plötu The Smiths að ræða. Og eitt er víst, það er mjög auðvelt að taka undir þau orð. Stórkostlegar lagasmíðar Johnny Marrs og beinskeyttir textar Morrissey falla saman einsog flísar í feitan vinnukonurass.    Snjall gítarleikur Marrs er svo yfir og allt um kring án þess þó að vera allt of áberandi. Ryþmaparið er frábært og Morrissey syngur einsog engill.

Big mouth strikes again er eitt af frægustu lögum The Smiths. Það var gefið út á smáskífu áður en stóra platan sjálf kom út. Þetta lag fór hátt uppá vinsældarlistum. Hér eru Smiths uppá sitt besta og gítarleikur Marrs er stórkostlegur.

Tímaritið Q sagði svo; aldrei áður hafa Marr og Morrissey skapað svo fína plötu. Metnaðarfull, tregablandin, stórkostleg tónlist. Annað tímarit, NME setti hana í tíunda sæti yfir bestu plötur allra tíma. Og það er ekki lítið afrek.

Fyrir utan að semja öll lögin á plötunni stjórnuðu þeir Marr og Morrisey einnig upptökum á The queen is dead. Platan var tekin upp um veturinn 1985 og kom svo út í sumarbyrjun 1986 einsog fyrr sagði. Húmor, tregi, dapurleiki, háð, þetta er allt að finna í textum Morrisey. Hann yrkir um drottningar sem loksins ákveða að koma útúr skápum sínum og verða fyrir miklum vonbrigðum. Heimurinn sem tekur á móti þeim er hundfúll og leiðinlegur, hjartalaus og kaldur. Það hefði kanski verið betra að vera bara kyrr inní sínum skáp og skapa þar þá veröld sem var drottningunum meira að skapi.

Að margra áliti er hápúnktur plötunnar Take me out tonight. Þar fjallar Morrisey um einmanaleikann á stórkostlegan hátt. Hann verður aldrei væminn, heldur einlægur. Lagsmíð Marrs er hreint út sagt stórkostleg. Strengirni eru útsettir af Marr og það er strengjasveitin The Hated SALFORD ORCHESTRA SEM LEIKUR.

Á þessari plötu reis sköpun þeirra Marrs og Morrissey einna hæst. Yahoo music tekur svo djúpt í árinni að kalla þessa plötu meistaraverk og hápúnktinn á ferli The Smiths. Þarna sé allt að finna sem prýða megi eina plötu. Vönduð vinna sé þarna í fyrirrúmi og flutningur allur með glæsibrag.