Guðni Már Henningsson

14.6.2009 | 03:59

Ástin komdu heim, hvar sem þú ert...

Bloggar | Slóð | Facebook | Athugasemdir (2)

13.6.2009 | 20:10

Hér kemur síðasta færslan.....

Siggi Sigg var ekki gamall
Siggi Sigg var frekar ungur
er hann fannst í hafsins slýi
með hausinn fullann af köldu blýi.

Siggi Sigg var ekki gamall
Siggi Sigg var frekar ungur
er sendur var hann seint í rúmið
og sólin hvarf í dökka húmið.

Elsku Siggi þú ert sætur
sér í lagi um dimmar nætur
ég hef á þér miklar mætur
má ég glenna í sundur fætur?

Siggi Sigg var ekki gamall
Siggi Sigg var frekar ungur
er hann fékk sér fyrst í nös
frosinn útá ystu snös.

Siggi Sigg var ekki gamall
Siggi Sigg var frekar ungur
erann kýldi einn til dauða
aðeins fyrir blóðið rauða.

Vertu þægur engar þrætur
þú átt engar minnstu bætur
Siggi er ekki lengur sætur
sama hversu mikið grætur.

Siggi Sigg varð ekki gamall
Siggi Sigg var frekar ungur
er hann fannst í hafsins slýi
með hausinn fullann af köldu blýi.

Bloggar | Breytt s.d. kl. 22:14 | Slóð | Facebook | Athugasemdir (1)

3.6.2009 | 23:15

Halelújablúsinn

Halelújablús.

Hertu upp hugann

því heilaga dúfan mun láta sjá sig

hertu upp hugann

því heilaga dúfan er söm við sig

og halelújablúsinn ég ætla núna að hamra í þig.

Eittsinn við ætluðum

til Eistlands sannleikann að höndla og éta soðinn lax

já eittsinn við fórum

Til Eistlands að að þamba vodka með Stalín og Marx

en halelújablúsinn ég heimta að komi nú strax.

Við dönsuðum valsinn

í Varsjá og rýndum í framtíð svo forna

við dönsuðum vals

í Búdapest og lásum um framtíðina svo forna

en halelujablúsinn við kyrjum nú alla mánudagsmorgna.

Halelújablús halelújablús halelújablús

halelújablús halelújablús halelújablús.

En Jesús varð je je

og við játum hann saman öll sunnudagskvöld

og Jesús varð je je

og við játum hann saman öll þriðjudagskvöld

þar halelújablúsinn sá besti blámi tekur þá öll völd.

Hertu´upp hugann

því hvíta dúfan kemur senn

hertu upp hugann

því hvíta sæta dúfan þín vina kemur nú senn

rennum saman í halelújablúsinn einusinni enn.

Gráttu ekki gæskan

gamla rússadansinn dauða

gráttu ekki gæskan

gamla Engels og Maó og Lenin steindauða

kyrjum halelújablúsinn fyrir kommana svo blóðdroparauða.

Halelújablús halelújablús halelújablús

halelújablús halelújablús halelújablús.

Við fögnum því dúfa

ef þú dvelur nú okkur hjá

elsku litla sæta dúfa

dveldu okkur ætíð hjá

og við kyrjum halelujablúsinn þartil ég fæ ljósið að sjá.

Bloggar | Breytt s.d. kl. 23:20 | Slóð | Facebook | Athugasemdir (2)

25.5.2009 | 20:25

Brúða

Ég rölti um í reiðuleysi

ráfaði um götur og torg

fyrir ofan heiður, tær himinn

í huganum gleði og sorg.

Ég fann fátt, ekki stórt né smátt

og ekkert lét mig í friði

dimman datt á, ekkert ég sá

einsog í myrkum móðurkviði.

Ég gekk um garðinn víða

þar sem gróður er stór og smár

úrsérvaxin en himinhá tré

hristu af sér þúsund tár.

Ég fann fátt, hvorki stórt né smátt

og allir létu mig í friði

dimman steindauð sólin eldrauð

einsog í dýr í döprum móðurkviði.

Ég hugsaði´ um hamingju mína

sem hélt mér blýföstum tökum

ég elska, held ég mig ennþá

með öllum hugsanlegum rökum.

Ég fann fátt, ekkert hátt né lágt

og aldurinn lét mig ekki´ í friði

dimman hrundi´á, sá mig hér og þá

einsog forðum í mínum móðurkviði.

Öll mín lögmál eru lúin

og lítið sem ekkert að ske

úr götu minni ég greip þá

grímu þá sem er hvorki né.

Ég fann fátt, hvorki gróða né afslátt

og ilmurinn lét mig ekki´ í friði

dimman var á, slóða sem lá þá

aftur að mínum móðurkviði

Ég mætti öllum og engum

og ýmislegt á göngu minni sá

en hvorki þig né angistina þína

né þrána sem birtist aftanfrá.

Ég fann fátt, hvorki dökkt né dimmblátt

og draumurinn lét mig ekki´ í friði

dimman ljósgrá, leit út sárþjáð

líktog hún væri úr myrkum móðurkviði

Bráðum ég bregð mér þreyttur

undir brúnna sem ekki er hér

og ég bið um að barnið í mér lifi

einsog brúða sem er eftirmynd af mér.

Ég fann fátt, hvorki þræl né ambátt

og friðurinn lætur mig ekki´ í friði

dimman er sátt og ég frír fer brátt

frjáls úr myrkum móðurkviði.

Bloggar | Breytt 3.6.2009 kl. 23:07 | Slóð | Facebook | Athugasemdir (0)

21.5.2009 | 15:13

Blogg frá Heiðu B. Heiðars.

Eftirfarandi má lesa á heimasíðu Heiðu. Ég tók mér það bessaleyfi að birta það hér. Heimsækið annars hennar ágætu síðu.;

Auglýsi eftir fólki sem hefur fengið nóg!

Ég er búin að vera í smá sumardvala og lítið látið á mér bera undanfarið. En nú er ég algjörlega gjörsamlega að springa!

Framundan eru gjaldþrot sveitarfélaga...og við erum ekkert bara að tala um þessi litlu útilandistan sem okkur hérna í Reykjavík virðist finnast lítið koma okkur við

Niðurskurður upp á tugi milljarða og þetta "norræna velferðarkerfi" hennar Jóhönnu eru náttúrulega bara blautir draumar.
Hvernig er annars velferðarkerfið á Kúbu?

Heimilin, fyrirtækin að fara yfir um hvert á fætur öðru og í fjöruborðinu bíða viðskiptagúruar eftir því að AGS færi þeim auðlindirnar okkar á silfurfati.

ESB hvað?

Nú auglýsi ég sem sagt eftir fólki sem er búið að fá nóg!
Sendið mér tölvupóst á geislabaugur@gmail.com og skrifið á ykkar eigin bloggsíður

Og ég undirstrika það að það skiptir ekki máli í hvaða flokka þú hefur raðað þér hingað til.... við erum ÖLL að lenda í sama skítnum
Samstaða um betra líf hlýtur að toppa hvað þú hefur kosið

Nú finnum við hvort annað og látum vita af því að við sitjum ekki þegjandi á meðan okkur er fórnað á altari AGS og sett í fátæktargildru næstu áratugina!!

Ímynd Íslands er sterk

Bloggar | Slóð | Facebook | Athugasemdir (1)

18.5.2009 | 22:23

2 ljóð

Var að leika mér við að setja tvö ljóð saman í eitt. Kom bara ágætlega út eða hvað finnst ykkur??

Nú er ég staddur hinumegin við hvergi
í hávaða svo auðveldum að hlustirnar kveina
ég held á glasi og bjórinn minn bergi
og ber á herðum mér krossa og steina.
Þú ert farin en þó ertu hér
þögnin er hærri en allt sem er
hamingjan fylgi þér hérumbil
hafðu það gott svona umþaðbil.
Við eigum myndir og minjagripi
og málaðan staf
þessir litir og líkneskin smáu
lifa okkur af.

Ég horfi oní djúpið og drekk þess minni
með dáið bros fast í tannlausum garði
ypptandi öxlum yfir fornri framtíðinni
sem við fortíð rétt svo jafntefli marði.
Ég sé þig fara með fölleitt skott
þér finnst kanski´ einsog vont sé gott
þó að það svíði þá sveið meir fyrr
og sumar nætur var ég jú kyrr.
Við eigum myndir og minjagripi
og málaðan staf
þessir litir og líkneskin smáu
lifa okkur af.

Ég gefst ekki upp, nei aldrei ég brotna
og ekki sýnast mér himnarnir fagna
ég öskra ég æpi, horfi á sjálfan mig rotna
og elska þartil ég að eilífu þagna.
Ég veit ég hverf það er vitað mál
á veraldarbotn ein gömul sál
sem þekkti Guð sinn en gleymdi skjótt
en Guð minn komdu ég sekk of fljótt
Við eigum myndir og minjagripi
og málaðan staf
þessir litir og líkneskin smáu
lifa okkur af.

Bloggar | Breytt s.d. kl. 22:27 | Slóð | Facebook | Athugasemdir (2)

17.5.2009 | 18:13

HI Olga....

Smile.........

Bloggar | Slóð | Facebook | Athugasemdir (1)

16.5.2009 | 02:05

Tveir snillingar...

Bryan Ferry syngur hér hið gullfallega lag Dylans Make you feel my love.

Bloggar | Slóð | Facebook | Athugasemdir (1)

15.5.2009 | 23:28

Donovan aftur!!

Það er ekki hægt að sleppa þessu lagi. Þegar Donovan kom hingað til lands 1994 tókum við Halldór Ingi útvarpsviðtal við hann og hann áritaði plötu fyrir mig. Ég er stoltur af þeirri eign.

Bloggar | Slóð | Facebook | Athugasemdir (0)

15.5.2009 | 23:09

Donovan

Ótrúlegt hvað þessi maður er fljótur að gleymast... hann er eitt af stórmennum bítlaaldar. Spilaði hér á landi 1994.

Bloggar | Slóð | Facebook | Athugasemdir (0)

Næsta síða »

Höfundur

Guðni Már Henningsson

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"