Vorvísa

 

Ef þú átt eitt vor til að gefa mér

og urmul af leyndum þráðum

þá gætum við sæst við framtíð og for

og fundið það sem við dáðum.



Og ef að mín lukka mig léki við

og lánaði mér nokkra daga

þá yrði ég aftur fleygur og frjáls

en fráleitt einhver framhaldssaga.



Sól og stjörnur, tungl og tími

haf og hauður, tímanna tákn

elli og æska, karl og kona

minning og mæða, brunninn bákn.



Hví skildi´ ég ekki skála fyrir því

sem skilur milli lífs og dauða

og horfa á Guðs sjóndeildarhring

og til himinsins fagurrauða.



Og eitt er víst og annað á reiki

og ekkert til að státa sig af

en þú hafðir eitt sinn á þínu valdi

þrána sem Guð mér einum gaf.



Sól og stjörnur, tungl og tími

haf og hauður, tímanna tákn

elli og æska, karl og kona

minning og mæða, brunninn bákn.



En vikur og ár eru válynd nú

og varla nokkuð sem þú getur gert

og biðja þig um tíma með tárum

tel ég ekki ómaksins vert.

Athugasemdir

[Marta Gunnarsdóttir, 3.3.2009 kl. 22:51]

 Þú ert alltaf flottastur.

[Sveinbjörn Kristinn Þorkelsson, 4.3.2009 kl. 14:26]

Takk fyir, góð hugleiðing í ljóðinu.

[Rósa Aðalsteinsdóttir, 6.3.2009 kl. 00:16]

Sæll Guðni minn

Mikið var þetta fallegt.

Vertu Guði falinn kæri trúbróðir

Kær kveðja/Rósa

[Steinunn Helga Sigurðardóttir, 6.3.2009 kl. 16:00]

yndislegt eins og alltaf hjartað mitt

knús í krukku