Guðni Már Henningsson

2.1.2009 | 01:25

Regn

Í miðju steypiregninu
grúfi ég mig í asfaltið
snerti með vörum mínum
fjarlægðina til þín
legg kinn að köldum veruleikanum
og hlusta eftir
klukkum dagsbrúnar

regnið fellur
og tónlistin í eyrum mínum
klukknahljómurinn í sál minni
bergmálar í forundran

fuglar gærdagsins kalla
og ef þú sérð mig
ekki snerta mig
ekki segja orð
því ég er staddur
í hinum sæta ilmi
nýslegins grass
í dal óskanna
í landi fljótanna miklu

skrepptu frekar
í skjól og syngdu
fagnaðarsönginn
og ég skal nema hann síðar
er klukkur klingja ekki meir

í miðju steypiregninu
grúfi ég mig í asfaltið
en ég er
hlátur skólabarna
síðasta sólskinið
ekki
segja
orð

Flokkur: Bloggar | Breytt s.d. kl. 20:40 | Facebook

Athugasemdir

Nú ætla ég að segja eitthvað gáfulegt á nýju ári......uh....altso.....cool!

Gulli litli, 3.1.2009 kl. 12:17

Já, það var ekki að spyrja að því... árið byrjar glæsilega á þessari síðu....

Brattur, 3.1.2009 kl. 12:57

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Guðni Már Henningsson

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"