Svínasteik

 

Það hefur verið kvartað undan því að kveðskapur minn sé á stundum eilítið þungur og tormeltur. Því er hér birtur laufléttur texti um elliárin sem eru því miður ekki svo langt undan...

Svínasteik

Það er sunnudagur og svínið heitt

og sultan með glæsibrag

nú bökum við okkur vínarbrauð

og blessum vorn æfidag.

 

Við sofum getum síðdegis

og síðan aftur í kveld

gleymt okkur í glóðinni

við gamlan ástareld.

 

Það er sunnudagur og svínið heitt

og sultan með glæsibrag

nú bökum við okkur vínarbrauð

og blessum vorn æfidag.

 

Við prjónað getum peysurnar

sem pössum við kanski í

er kvölda tekur og sól er sest

við skálum í bacardi

 

Það er sunnudagur og svínið heitt

og sultan með glæsibrag

nú bökum við okkur vínarbrauð

og blessum vorn æfidag.

 

Á morgun er mánudagur

og með honum ýsa og smér

ef til vill ögn af sérry

og ís og jarðarber.

 

Það er sunnudagur og svínið heitt

og sultan með glæsibrag

nú bökum við okkur vínarbrauð

og blessum vorn æfidag.

 

Þetta er dálítið einsog Ríó tríóið hefði gert þetta....

 

Athugasemdir

[Gulli litli, 20.12.2008 kl. 21:47]

Ég sá þig snemma dags um...........jájá.

[Rósa Aðalsteinsdóttir, 21.12.2008 kl. 13:19]

Sæll Guðni minn.

Þetta er meiriháttar skemmtilegt.

Vonandi verður þú með flottan sálufélaga á elliárunum. Sýnist þú ætla að eiga ljúft líf. Svínasteik, vínarbrauð og alles.

Vertu Guði falinn

Kær kveðja/Rósa

[Halldóra Lára Ásgeirsdóttir, 21.12.2008 kl. 15:33]

Heill og sæll!

Eigi lifir maðurinn á einni saman svínasteik.

Ríó Tríó hefur alla tíð verið mín uppáhalds!

Haltu bara áfram að yrkja, ég hef lúmskt gaman að þessu hjá þér

Nota hinsvegar höfuð stafi og stuðla sjálf.

Við hér erum hinsvegar í appelsíni og malt  með svínasteikinni!

Njóttu matarins um hátíðirnar

        KV. Halldóra.