Dimmar stundir

 

Færðu andlitið af öxlinni minni

og brátt verð ég löngu farinn

því hljóð næturinnar

er það eina sem við greinum

fyrir utan andardrátt löngu horfinna

ástmenna sem við getum ekki afneitað

þó tunglið sé fullt

og rakkar næturinnar þekkja ekki muninn

á röngu og vitlausu

ég þarfnast þín meira nú en seinna

en brátt verð ég þó löngu farinn

og þessar dimmu stundir í lifi okkar

og þessi sannleikur sem mun fylla nóttina

mun gera okkur lífið óbærilegt

tunglskinið leikur við berar axlir okkar

og augu mín vökva hárið þitt

dimmt og hrokkið

færðu andlitið af öxlinni minni

því ég vil ekki vekja upp

ástina með fyrstu geislum sólarinnar

því verð ég brátt löngu farinn

á vit þessara hljóða sem fylla nóttina

og síðan mun ég einnig hljóða í nóttinni.

Athugasemdir

[Rósa Aðalsteinsdóttir, 17.12.2008 kl. 18:21]

Sæll Guðni minn.

Ég vona að það séu ekki dimmar stundir í lífi þínu.

Við þekkjum mátt bænarinnar.

Vertu Guði falinn.

Kær kveðja/Rósa

[Guðni Már Henningsson, 17.12.2008 kl. 19:47]

Nei Rósa, það eru alls ekki dimmar stundir í mínu lífi. Stundum leyfa blekberar sér að setja sig í annara spor. Takk fyrir kveðjuna.

[Rósa Aðalsteinsdóttir, 18.12.2008 kl. 11:04]

Sæll Guðni minn.

Frábært að heyra að allt sé í orden.

Guð veri með þér og þínum.

Kær kveðja/Rósa

[Steinunn Helga Sigurðardóttir, 18.12.2008 kl. 15:36]

elsku kallinn minn!

ég elska þig vinurinn minn

steina

[Guðjón H Finnbogason, 19.12.2008 kl. 23:55]

Sæll Guðni.Var að hlusta á þig áðan í jólalögum og opnum síma það er gaman að þessu sérstaklega þegar kemur að konunni að vestan og maðurinn í Þorlákshöfn.Góður þáttur.

[Halldóra Lára Ásgeirsdóttir, 20.12.2008 kl. 00:27]

Sæll Guðni!

Mér líkar þessi ljóðagerð þín hér á blogginu,og ég er að vona að þú semjir aðeins léttari texta þegar byrtir af degi á ny!

Guð gefi þér gleðilega jólahátíð og blessað nytt ár!

Kveðja úr Garðabænum

[Guðni Már Henningsson, 20.12.2008 kl. 01:22]

Kæru vinir, takk fyrir orðin ykkar og Steina ég elska þig líka elsku besti vinur í heimi. halldóra, takk fyrir, það er ekki öll mín kvæðagerð dimm og drungaleg, bendi á ljóðið hér fyrir neðan Ögn tvö. Gleðileg jól kæra vinkona og megi nýtt ár verða þér blessað sem og ykkur öllum sem hér hafa skrifað orðin sín..

[Rósa Aðalsteinsdóttir, 20.12.2008 kl. 14:32]

Christian Glitter by www.christianglitter.com

[Gulli litli, 20.12.2008 kl. 15:33]

Þú ert töffari...ekki spurning.

[Brattur, 20.12.2008 kl. 19:19]

... alltaf nærandi að lesa ljóðin þín...

[Guðni Már Henningsson, 20.12.2008 kl. 19:24]

Takk drengirnir mínir