Guðni Már Henningsson

8.12.2008 | 20:12

Sagnlaus

Í svartnættinu

eru svörin

við spurningunum sem ég

fæ ekki af mér

að spyrja

horfandi þó inn í

hugann þinn

blómstrandi

hvítum blómum

sem tekin voru með töngum

og löngun mín í kransinn

er sterkari en nokkru sinni fyrr

á hnjánum vina mín

styn ég ekki upp

nokkru orði

sé ekki svartnættið

sé ekki dagrenninguna

sé aðeins

stóra hjartað slá

í tilgangsleysi orða

sem mynduð voru

endur fyrir löngu

og líkingamál

á hér ekki við

ekki fremur en þá

er hafið blítt og létt

sópaði burt

öllum söknuði

og eftir stóðu

orðin sagnlaus

gagnslaus

allslaus

Flokkur: Bloggar | Facebook

Athugasemdir

æ vinur minn, lifum saman með öllu því fallega í lífinu okkar.

ást til þín, jafn kær og alltaf

steina

Steinunn Helga Sigurðardóttir, 9.12.2008 kl. 10:34

Fallegt ljóð Guðni Már. Takk fyrir að vilja verða bloggvinur. Minn er heiðurinn.

Jóhann G. Frímann, 9.12.2008 kl. 17:37

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"