Borgarafundurinn í Háskólabíói

 

 

Undanfarnar vikur, jafnvel mánuði hef ég ekki fundið fyrir því stolti sem ég fann hér áður yfir því að vera Íslendingur. En eftir að hafa horft á borgarafundinn sem haldinn var í Háskólabíói í kvöld fann ég að þrátt fyrir allt gæti ég verið stoltur. Leiftrandi gáfumenn héldu ræður og bentu á leiðir sem færar eru. Ræðumennirnir komu sínu miklu betur frá sér heldur en stjórnmálamennirnir sem til svara voru. Ég þakka fyrir að vera af sömu þjóð og þetta fólk og þið sem mættuð á fundinn, þið eruð frábær. Til hamingju Íslendingar fyrir að eiga svona frábært fólk. Ég held að þeir sem ræður fluttu og aðrir álíka myndu stjórna landinu miklu betur en þeir sem kosnir hafa verið til þess. Ég þakka ykkur fyrir, þið sem stóðuð að fundinum og ykkur sem mættuð. Vonandi horfðu hinir á útsendinguna og sannfærðust um að til er fólk hér á landi sem lætur ekki bjóða sér hvað sem og kemur fram og bendir á lausnir.

Athugasemdir

[Heidi Strand, 24.11.2008 kl. 22:33]

Þetta lofar góðu. Þetta tekst að lokum.

[Steinunn Helga Sigurðardóttir, 25.11.2008 kl. 12:36]

gott !!!

til hamingju med á morgun vinur minn !

s

[Gulli litli, 26.11.2008 kl. 02:27]

ég rétt nenni ad vera sammåla....

[Guðni Már Henningsson, 26.11.2008 kl. 09:33]

Gulli vinur, ég get útvegað húshjálp...

[Rósa Aðalsteinsdóttir, 26.11.2008 kl. 20:45]

Sæll og blessaður

Ósköp er Gulli litli orðinn latur. "ég rétt nenni ad vera sammåla...."

Sá bara restina af fundinum og þá var hörku fjör.

Vona að við förum að sjá bjarta tíð í öllum málefnum okkar. Jóhanna er flott að neita að skera niður í sínu ráðuneyti. Það má skera niður annarsstaðar en í velferðarmálum. Það má selja eitthvað af þessum sendiráðum. Þvílíkt bruðl í stjórnartíð Halldórs Ásgrímssonar sem nú er á spena hjá okkur. Ingibjörg Sólrún bruðlaði heilmikið í þetta heimskulega öryggisráð sem við sluppum svo við að vera í. Það má spara í Utanríkisráðuneytinu, Umhverfismálaráðuneyti og á fleiri stöðum.

Vertu Guði falinn

Kær kveðja/Rósa 

[Guðni Már Henningsson, 26.11.2008 kl. 23:24]

Takk Rósa vinkona, þú kannt að koma orðum að hlutunum, veit samt ekki hvort hægt sé að spara mikið í umhverfismálaráðuneytinu... alla vega þurfum við að ganga með virðingu um landið og miðin..