Málverk

 

 

 

 

 

 

Ég sá Guð á mikilli mynd
er manninn fyrsta hann skóp
af fallegri jörð og lítilli lind
löngu fyrir Adams angistar óp
en í einni örlitilli stroku
er ég einsog í Þoku.

Ég sá fólk á fallegri mynd
í fínasta pússi og stássi
með augun opin en starandi blind
í einhverju óÞekktu plássi
en í einni örlitilli stroku
er ég einsog í Þoku.

Ég sá Þingvelli í þrívíddarmynd
og Þrastarhjón hjá hreiðri
og afhausaða húskarls synd
hjá Öxará svo breiðri
en í einni örlitilli stroku
er ég einsog í Þoku.

Ég sá eina gamla andlitsmynd
af óÞekktri kaupakonu
hún var órofin uppsprettulind
og ól upp prestsins sonu
en í einni örlitilli stroku
er ég einsog í Þoku.

Ég sá brosandi barnamynd
í brotnum ramma og skökkum
Þetta var sjö ára stúlkukind
sem seinna barðist í bökkum
en í einni örlitilli stroku
er ég einsog í Þoku.

Að lokum ég leit á dómsdagsmynd
af dánu fólki og dýrum
Það eyddist af sinni erfðasynd
að afloknum ævintýrum
en í einni örlitilli stroku
er ég einsog í Þoku.

Athugasemdir

[Halldóra Lára Ásgeirsdóttir, 8.10.2008 kl. 11:47]

Sæll vertu Guðni!

Ljóðið er svo myndrænt, að þú hrífur mann með þér á fornar

slóðir.Mæli með að þú málir mynd af þessum atburðum!

Drottinn blessi þig,hvert skref!

 Kveðja úr Garðabæbum

[Gulli litli, 8.10.2008 kl. 12:22]

Kominn aftur. Hélt þú værir týndur eða verðtryggingin gleypt þig!

[Steinunn Helga Sigurðardóttir, 12.10.2008 kl. 14:06]

Fallegt vinur minn, ég sakna þín !

steina

[Rósa Aðalsteinsdóttir, 13.10.2008 kl. 22:47]

Sæll og blessaður.

Hressilegt ljóð og minnir á margt bæði í fortíð, nútíð og einnig framtíð. Þá þurfum við öll að svara til um gjörðir okkar fyrir Æðsta ráðinu.

Þar eru allir jafnir, bæði þeir sem eru ríkir af veraldlegum auð og einnig hinir sem eiga ekkert. Minnir á söguna um ríka manninn og Lasarus.

Megi almáttugur Guð varðveita þig nú á ólgutímum. Mundu að á eftir storminum kemur logn.

Guð er oss hæli og styrkur,  örugg hjálp í nauðum. Sálm. 46:2

Baráttukveðjur/Rósa