Guðni Már Henningsson

11.9.2008 | 22:04

.......og svo ertu farin.

Út í kvöldkulið sendi ég þig

með gamlar vísur á bakinu

um tvö hjörtu sem slógu

ekki í takt

farðu vel og komdu ekki aftur

því á morgun verður nýr dagur

ný veröld

ný sól

út í kvöldkulið sendi ég þig

en geymi fyrir þig byrðarnar

enn er pláss í skoti mínu

þó kyrnur margar séu yfirfullar

á eftir þér sendi ég ljós

til að ylja þér við

í hinum flóknu dögum sem aldrei

líta dagsljósið

svo aftur verða dagarnir taldir

og aftur verða dagarnir margir

enn á ég lítið ljós

sem er skærara en önnur

út í náttsvalann sendi ég þig

til að dvelja hjá þínum

ég raula fyrir þig gamlan sálm

um þögnina

og svo ertu farin.

Flokkur: Bloggar | Facebook

Athugasemdir

Fallegt

Gulli litli, 12.9.2008 kl. 01:12

dagbækur, ég elska dagbækur og ég elska þig vinur minn kæri

steina

Steinunn Helga Sigurðardóttir, 12.9.2008 kl. 06:31

Innlitskvitt minn kæri

Rannveig Margrét Stefánsdóttir (IP-tala skráð) 12.9.2008 kl. 22:08

ja hérna Guðni... frábært...þú ert skáld... ljóðin þín eru einhver þau bestu sem ég les þessa dagana...

Brattur, 13.9.2008 kl. 09:03

Marta Gunnarsdóttir, 13.9.2008 kl. 21:52

Sæll Guðni minn.

Alltaf verið að semja. Flott hjá þér.

Guð veri með þér í öllu sem þú tekur þér fyrir hendur.

Kær kveðja/Rósa

Rósa Aðalsteinsdóttir, 21.9.2008 kl. 01:14

ég var að klukka þig ástin mín !

Kærleikskveðja frá mér.

steina

Steinunn Helga Sigurðardóttir, 21.9.2008 kl. 13:20

Mjög fallegt Guðni minn. Tregafullt og svo er myndin frábær við.

PS: Helduru ekki að kellingin hafi ekki klukkað mig líka! Verð ég þá að fara aftur til Bloggheima og dveljast þar um óákveðinn tíma. Ég þarf alltaf að hverfa til Raunheima og dveljast þar einn með mínar hugsanir og mínar gjörðir. Bara til þess að standa upp dag einn og halda til byggða, eins og jólasveinarnir forðum daga. Mér líður vel hvort sem ég er hér eða þar eða einn eða í margmenni.

Bestu kveðjur frá Gunna Palla kokki.

Gunnar Páll Gunnarsson, 21.9.2008 kl. 21:07

Ég er farin að sakna þín. Hvar ertu?

Marta Gunnarsdóttir, 25.9.2008 kl. 19:15

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Guðni Már Henningsson

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"