Slepptu sólarlaginu

 

 

Gætir þú gert mér þann greiða

að sleppa vorinu úr sólarlaginu okkar

syngdu frekar um myrka heimskautanótt

svo ferðin verði auðveldari og ekki

á brattann að sækja

kanski kemur einhver á eftir okkur

með kærleikann í öskupoka

og nælir með sorgbitnum augum

og stirðum fingrum

í þögninni og kuldanum

öskupokann í frakkalafið

á einhverjum öðrum

sem á það frekar skilið

en við tvö

slepptu vorinu

úr sólarlaginu okkar

því sólin er þegar sest

og óvíst hvort hún birtist á ný.

 

Athugasemdir

[Gulli litli, 2.9.2008 kl. 23:45]

Er endalaust til? Frábært..

[Guðni Már Henningsson, 3.9.2008 kl. 00:13]

Takk fyrir Gulli litli, en það er nú ósköp misjafnt sem hrýtur úr penna mínum....

[Rósa Aðalsteinsdóttir, 3.9.2008 kl. 00:45]

Sæll og blessaður.

Vorið er nú svo dásamlegt svo endilega hafðu það með í næst þegar eitthvað hrýtur úr pennanum þínum.

Duglegur að setja saman og jákvæðni næst. Búa til eitthvað skemmtilegt um Tedda og kóteletturnar og klettinn okkar.

Vertu Guði falinn.

Kær kveðja/Rósa

[Ragga (IP-tala skráð) 3.9.2008 kl. 07:08]

Hér er ekki eins mikill sólargeisli í gangi en mér líkar þetta.

[Brynja skordal, 3.9.2008 kl. 10:54]

[Marta Gunnarsdóttir, 4.9.2008 kl. 00:05]

[Steinunn Helga Sigurðardóttir, 6.9.2008 kl. 16:07]

já grunaði gvend !

hvenær skype kallinn minn.

love steina