Johnny Cash

 

 

 

 

 

 

 

Þar sem eyðimerkurnar blómstra
og sól og tungl eru víðsfjarri
er leikvöllur allra þeirra
sem eittsinn kunnu ekki að leika sér
og bræður mínir úr nóttinni
og systur mínar úr lyginni
eru ekki lengur klædd svörtu
við fótskör meistarans situr hvítklæddur
maðurinn svartklæddi
með gítarinn

Athugasemdir

[Guðný Lára, 25.7.2008 kl. 14:38]

ég fékk gæsahúð þegar ég las þetta! :)

[Siggi Lee Lewis, 25.7.2008 kl. 20:19]

Þetta er risa flott ljóð! Samdir þú þetta Guðni?

[Rósa Aðalsteinsdóttir, 25.7.2008 kl. 20:46]

Sæll og blessaður.

Þetta er magnað ljóð og ég spyr eins og síðasti ræðumaður. Ert þú höfundur?

Hef spurt áður þessarar spurningar um ljóð sem ég las hjá þér.

Góða helgi og Guðs blessun

Kær kveðja/Rósa

[Brattur, 25.7.2008 kl. 21:28]

... hvítklæddur maðurinn svartklæddi... magnað...

[Guðni Már Henningsson, 25.7.2008 kl. 22:59]

Kæru vinir, takk fyrir falleg orð og  Rósa og Siggi, þetta er eftir mig... Takk fyrir falleg orð Guðný og Brattur...

[Ragga (IP-tala skráð) 25.7.2008 kl. 23:01]

Þetta kann ég að meta!

[Rósa Aðalsteinsdóttir, 26.7.2008 kl. 19:30]

Hæ og hó.

Loksins svör og sennilega fleiri ljóð eftir þig hér á síðunni.

Vona að þú getir farið á Kotmót.

Guð blessi þig og varðveiti.

Kær kveðja/Rósa

[Steinunn Helga Sigurðardóttir, 26.7.2008 kl. 21:25]

flott elsku vinur eins og alltaf.

ásti til þín

steina 

[Linda Samsonar Gísladóttir, 27.7.2008 kl. 20:50]

Fallegt hjá þér Guðni, eins og svo oft áður:)

[Jens Guð, 2.8.2008 kl. 00:55]

  Ég veit ekki hvernig á því stendur að mér leið rosalega vel þegar ég las ljóðið.  Sá fyrst nafnið Johnny Cash og það vekur hughrif.  Horfði síðan á myndina af honum og las ljóðið.  Það var áhrifaríkt.

[Guðni Már Henningsson, 2.8.2008 kl. 01:38]

Takk elsku bloggvinir og vinir. Orð ykkar vekja hjá mér stolt og gleði. Þúsund þakkir.