Örlög

 

 

 

 

 

 

Undarlegt þegar hugurinn getur ekki

borið mann hálfa leið

og maður er langt í frá sinnar eigin gæfu smiður

hvað þá ógæfu

ég get meira að segja ekki farið

öfugumegin fram úr rúminu

og þó kötturinn minn sé svartur

þvælist hann meira fyrir mér

en að skapa mér örlög

ég er blindur á öðru

og á bunka af bókum

-lífið gengur sinn vanagang. 

 

Athugasemdir

[Rósa Aðalsteinsdóttir, 12.7.2008 kl. 16:44]

Sæll Guðni minn.

Vona að þetta sé ekki lýsing af sjálfum þér. Gangi þér allt í haginn.

Guð okkar er stórkostlegur og miskunnsamur.

Góða helgi

Kær kveðja/Rósa

[Steinunn Helga Sigurðardóttir, 13.7.2008 kl. 10:45]

elsku guðni minn !!!!

flyttu til danmerkur og veldu þér það sem þú vill !!!

það er hægt , þú veist. þó ekki væri nema að kaupa sér sumarhús !!!

ást til þín

steina 

[Gulli litli, 13.7.2008 kl. 15:56]

Ætla hvorki að dásama guð né að byðja þig að flytja til dk en......ljóðið er flott.

[Marta B Helgadóttir, 15.7.2008 kl. 20:52]