Máttur

 

 

 

 

 

 

 

 

Ég trúði á mátt minn og megin
og meiraðsegja á ást
Hér var það öllum að óvörum
og ekkert um það að fást
ég yfirleitt gáði allsstaðar
en yfir þig sást.

Langar voru þær leitirnar
og lengi þurfti´ ég að kljást
við allslags lýð og ófögnuð
og aldrei þú fyrir mér lást
ég yfirleitt gáði allsstaðar
en yfir þig sást.

Ég þvældist um fjöll og firnindi
uns farartækið mitt brást
ég sá aðalinn og almúgann
og alltaf skal að þeim dást
ég yfirleitt gáði allsstaðar
en yfir þig sást.

Ég hentist yfir hóla og mel
og hélt að ég myndi nást
ég skrámaði mig á steinunum
og stundi og fann þá þjást
ég yfirleitt gáði allsstaðar
en yfir þig sást.

Ég kom svo hingað lafhræddur
og hélt ég þyrfti að slást
þá sá ég mátt þinn og megin
og meiraðsegja......ást
nú yfirleitt sé ég þig allsstaðar......

Athugasemdir

[Marta Gunnarsdóttir, 5.7.2008 kl. 09:10]

Frábært að fá svona krydd í  tilveruna með kaffinu í morgunsárið.

[Gulli litli, 5.7.2008 kl. 09:46]

kúl, rím og alles...

[Brattur, 5.7.2008 kl. 20:25]

Ofboðslega er alltaf gaman að koma á þessa síðu og lesa þessi dýrðlegu ljóð...

[Rósa Aðalsteinsdóttir, 7.7.2008 kl. 00:29]

Sæll og blessaður.

Þetta er mjög fallegt ljóð.

Guð veri með þér og þínum.

Kær kveðja/Rósa

[Marta B Helgadóttir, 8.7.2008 kl. 09:23]

Leit við og naut lestursins að vanda.

[Steinunn Helga Sigurðardóttir, 12.7.2008 kl. 11:09]

þetta er fallegt og þú ert fallegur. takk fyrir alar sendingarnar sem gleðja mig svo svo svo mikið.

ætlarðu ekkert að skreppa yfir hafið.

knús ástar engillinn minn

steina 

[Guðrún Jóhannesdóttir, 12.7.2008 kl. 12:29]

Ekki klikkarðu Guðni, yndislegt að koma hérna inn og lesa það sem þú setur hér. Ástarþökk fyrir mig.

Kærleikur og ljós til þín

[Marta B Helgadóttir, 15.7.2008 kl. 20:36]

Kom aftur til að njóta þess að lesa þetta yndislega ljóð Guðni.

Takk fyrir mig