Guðni Már Henningsson

20.6.2008 | 00:07

Svefnlaus nótt

Einsog um haustið þegar ég varð sautján
og himininn var í seilingarfjarlægð og gatan virtist endalaus
myrkur og ljós voru ekki andstæður
frekar en byrjun og endir
þannig er nú hádagur um miðja nótt
og draumar koma án fyrirvara
lífið er ekki í neinum tengslum við dauða
því framundan er ljós og myrkur
andlitin eru ekki lengur sviplaus og konan með klettabeltið
er orðin að stúlku á ný
barinn hefur opnað aftur og þangað inn fá aðeins
meðlimir að koma
vertu mér svo samferða
til heimalandsins á ný þú sem varst og verður til
og ekki til
síðan vöknum við
af svefnlausum nóttum

Flokkur: Bloggar | Breytt s.d. kl. 00:19 | Facebook

Athugasemdir

Svalt ad vanda......

Gulli litli, 20.6.2008 kl. 00:29

Guðni, Guðni... þú ert skruggugóður... ég kem hér aftur innan skamms og les aftur... því maður á að lesa ljóð mörgum sinnum... þetta er eins og með lög, það nægir ekki að hlusta á þau einu sinni... maður vill heyra þau aftur og aftur þar til lagið hefur síast inn í sálina... ljóð þurfa líka að síast inn í sálina... þess vegna á maður að lesa gott ljóð oft...

Brattur, 20.6.2008 kl. 17:01

ástin til þí skáldið mitt ydnislega.

knus frá washington !

steina

Steinunn Helga Sigurðardóttir, 21.6.2008 kl. 14:30

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Guðni Már Henningsson

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"