MÁ.

 

 

 

 

 

Með vambfylli af útrunnum dögum er ráfað um eyðisanda á leið til hins hinsta svefns
einhversstaðar á leiðinni verður hrasað um löngu gleymdar minningar
sem eru þó ferskar og falleg bros setjast á skóna
tónlist liðins tíma lifnar við eitt andartak
og gamall söknuður rífur í hjartarætur
hvernig gat þetta ekki gerst?
af hverju er heilt úthaf á milli þess sem ekki var og ekki verður?
síðan verður haldið áfram röltinu til hins hinsta dags
með saltbragð á sprungnum vörum.

Athugasemdir

[Steinunn Helga Sigurðardóttir, 9.6.2008 kl. 07:05]

æji elsku vinur minn, þú ert svo ljúfu og dásamlegur.

hvenær koma dagarnir okkar,sennilega eftir 32 ár.

knús vinur minn kæri

steina 

[Gulli litli, 9.6.2008 kl. 08:48]

Flottur...

[Marta B Helgadóttir, 9.6.2008 kl. 10:47]

Þetta er fallegt :)

[Brattur, 10.6.2008 kl. 19:55]

Svakalega er alltaf gaman að lesa ljóðin þín... þú ert skratti góður með sterkan stíl..

[Ylfa Mist Helgadóttir, 11.6.2008 kl. 18:23]

Mér finnst þetta harmrænt í meira lagi. En flott. Alveg drulluflott.