Dómur

 

 

 

 

 

 

Sá sem kemur nær, má búast við því að verða dæmdur
eftir hvaða bókstaf veit ég ekki
ástin mín það er gott að þú fórst, þú sleppur við dóminn
ég vil ferskan anda sem fer um stræti og torg
því ég heyrði aldrei í þögninni sem umlukti musterið áður en riddarinn kom
til að sækja það sem hann hélt sitt riddarinn með hamingjuna í töskunni
kallaði á ástina ástina en dómurinn
hékk yfir
tilbúinn að gleypa þann fyrsta spún sem nálgaðist  með dauðann endurunninn úr sorpi frá
mökum að morgni
ekkert er nýtt undir rúminu nema fjarlægðin
sem gerir augun vot
fjarlægðin sem ráfaði út í hvert skot til að leita að
ástinni sem breyttist með boðaföllunum
svona á ekki að kveðja
glumdi í dómaranum ósýnilegum
ekki í hinum ferska anda sem blása á um torg
og gosbrunna
gerðum úr mörgum morgnum,  kossum og  syfjuðum draugum
sem geta ekki lengur skynjað fjarlægðina sem þræddi
hvert skot
ástin svona á ekki að kveðja
þó að það sé gott og hjartað skilur alla mennina sem þú áttir
sem skildu ekkert eftir ekki einusinni fjarlægðir eða augnskugga
þar sem hægt væri að fela sig
ekki koma nær svo dómurinn falli ekki
ekki koma nær
þó að ryðið sé farið að naga minninguna sem raunar
var öllum gleymd
ekki koma ekki setjast niður jafnvel þó að dyrnar standi opnar
því þú veist ekki hvað ég vil
og þú veist ekki hvernig dómurinn verður.  

 

Athugasemdir

[Steinunn Helga Sigurðardóttir, 16.5.2008 kl. 15:37]

elsku vinurinn minn góði !

steina 

[Gulli litli, 16.5.2008 kl. 16:23]

Góður dómur......

[Rósa Aðalsteinsdóttir, 17.5.2008 kl. 10:29]

Sæll og blessaður kæri trúbróðir.

Takk fyrir þennan heiður sem þú sýndir mér. Ég hef verið að hugsa um að gera slíkt hið sama en þú varst á undan mér.

Takk fyrir fallegan pistill

Guð blessi þig og varðveiti

Kær kveðja/Rósa frá Vopnafirði

[Marta B Helgadóttir, 17.5.2008 kl. 22:39]

[Linda, 18.5.2008 kl. 13:53]

 yndislegt, bara ekki hægt að segja annað, takk fyrir að deila þessu með okkur.

knús.