Það er ekki bara baráttudagur verkalýðsins í dag heldur einnig Uppstigningardagur. Þetta fann ég á kirkjan.is:

Uppstigningardagur

„Uppstigningardagur er fjörutíu dögum eftir páska. Með honum hefst undirbúningstími þriðju stórhátíðarinnar, Hvítasunnu. Jesús steig upp til himna, ekki til að yfirgefa þennan heim og þessa jörð, heldur til að geta verið alls staðar nálægur. Eins og himinninn er lífsloftið sjálft sem umvefur okkur og án þess gætum við ekki lifað, eins vill hann umvefja okkur og vera okkur hjá."

* * *

Klappið saman lófum allar þjóðir, fagnið fyrir Guði með gleðiópi.(Sl.47.2)

Uppstigningadagur er með elstu hátíðum kristninnar. Í fyrstu var þó ekki um sérstaka hátíð að ræða heldur var uppstigningarinnar minnst á hvítasunnu.

Kirkjan hefur haldið hátíð uppstigningar Drottins á sérstökum degi síðan um 400. Frá því á 6.öld var dagurinn haldinn hátíðlegur með mikilli viðhöfn í Róm og breiddust söngvar hans og siðir þaðan út um alla kristnina.

Á þessum degi minnist kirkjan þess að ,,sigrarinn dauðans sanni" sem reis upp frá dauðum í undri páskahátíðarinnar og dvaldi með lærisveinum sínum í fjörutíu daga eftir það, gengur inn í eilíft ríki Guðs á himnum sem konungur dýrðarinnar, en mun koma aftur við endi aldanna.

Þetta er sérstaklega undirstrikað í hinum forna Introitus, eða inngöngusálmi uppstigningardagsins sem byggir á Post.1.11 og Sl.47.2.:

Galíleumenn, hví standið þér og horfið til himins? Hallelúja. Eins og þér sáuð hann stíga upp til himna mun hann koma. Hallelúja. Hallelúja. Hallelúja. Klappið saman lófum allir lýðir, látið gleðisöng óma fyrir Guði ,fagnandi röddu. Dýrð séGuði, Föður og Syni og Heilögum Anda, svo sem var í upphafi, er og verður um aldir ald.Amen.

Minna má á þann gamla sið að þar sem borið var inn sérstakt páskakerti í páskamessunni þá er slökkt á því eftir að guðspjallið á uppstigningadag hefur verið lesið. Þannig er undirstrikað að samfylgd Drottins Jesús Krists með kirkju sinni í 40 daga í jarðnesku holdi eftir upprisuna er lokið. Hann stígur upp til föðurins.

Eftir uppstigningardaginn er víða venja að tendra ljós á páskakertinu við heilaga skírn og til sérstakrar bænagjörðar.

Athugasemdir

[Steinunn Helga Sigurðardóttir, 1.5.2008 kl. 17:19]

til þín

steina 

[Þorsteinn Briem, 1.5.2008 kl. 22:26]

Gleðilega hátíð, Guðni minn Már!

[Gulli litli, 2.5.2008 kl. 07:01]

gleðilega já hátíð...

[Gunnar Páll Gunnarsson, 2.5.2008 kl. 07:57]

Hallelúja!

Sólin skýn og það er nú þegar 15 stiga hiti úti á veröndinni. Fer svo að klára veisluna sem ég er með í dag. Svo er dílemmað! Komma-og öreigatónlist eða Kristur í hæstu hæðum með 700 trompetum og öllu skrallinu? Kannski best að byrja á komma-og öreigatónlistinni og svo príla upp á við til Krists og Gössa þegar líða tekur á daginn.  Það er svo gott að heyra flotta kirkjutónlist; Uppáhaldið er REQUIEM eftir snillinginn Amadeus.

Gangið á Guðs vegum og eigið góðar stundir.

Gunni Palli kokkur.