Skuggarnir lengjast.

 

 

Skuggarnir lengjast ég sé það nú

því sólin er á leið til glötunar

brátt mun dimma  því nóttin verður ný

og þá næ ég ekki lengur til jötunnar

þá held ég á leið til heimskunnar

og held ég sé á leið til gleymskunnar.

 

Árin þau styttast mínútur mjókka

mörg tungl hafa gengið til þurrðar

ég kemst ekki út því ég fór aldrei inn

ég er því staddur milli stafs og hurðar

mig fýsti á helveg heimskunnar

heim á leið til gleymskunnar.

 

Ég hef kroppað eitt og annað svar

en ekkert af þeim ég vildi

nema eitt sem var í himinsins óra firrð

og eina var það orðið sem ég skildi

er hálfnaður var ég til heimskunnar

haldandi í taumhald gleymskunnar.

 

Þó vorið sé liðið og haustið það hamist

þá held ég að svarið mér forði

frá vetri og kulda og villuljósum

og varla fær það grandað ódauðlegu orði

ég held af vegi heimskunnar

held  í fegurð gleymskunnar

Athugasemdir

[Magnús Helgi Björgvinsson, 12.3.2008 kl. 12:45]

Sæll Guðni. Ég las þetta í byrjun hratt yfir og hélt í fyrstu að þú værir að lýsa því að þú værir komin með Alzheimer. En við frekari lestur sá ég að þú er þarna að lýsa trúar upplifun.

Vill bara taka undir með öðru fólki sem hefur verið að benda þér á að þetta þyrfti kannski að komast á prent. Þetta eru ávallt vel ort ljóð hjá þér og væri synd ef þau væru aðeins í boði hér á bloginu. Man eftir því að fyrir mörgum, mörgum árum gerðir þú ljóðabók, ljóðahefti. Man nú ekki mikið eftir ljóðunum þar en finnst upplifun mín af þessum benda til að þú farir bara batnandi með árunum.

Kveðjur
Maggi B

[Brattur, 12.3.2008 kl. 21:03]

... gaman að lesa ljóðin þín Guðni, ég er ekki endilega sammála því að það þurfi að gefa ljóð út á bók í dag... ég hef notað mína bloggsíðu til að birta ljóð og smásögur innan um allskonar bull sem ég skrifa af fingrum fram... held að þó það séu ekki margir sem lesa t.d. síðuna mína, þá séu það fleiri en myndu lesa bók með ljóðum eftir mig... bloggið er skemmtilegur vettvangur að koma hugsunum sínum á framfæri... hverjar svo sum þær eru...

[Ragga (IP-tala skráð) 12.3.2008 kl. 22:09]

Fallegt að venju!

vertu annars velkominn á opnun, ég verð með nokkrar.

 

[Gulli litli, 12.3.2008 kl. 22:52]

fyrir minn smekk, bók. Ég les ljód ødruvísi í bók en á netinu, en vil frekar lesa tau å netinu heldur en ekki!!

[Marta B Helgadóttir, 13.3.2008 kl. 01:07]

Þarna er Gulli litli búinn að segja það sem ég hugsa.

Takk fyrir að birta.