Hefði svosem átt að setja þetta inn í gær....

Ég sit hér einn og skemmti mér vel
og ég sé myrkrið og máninn er fagur
það er enginn sem hringir það má enginn mæla
og á morgun kemur mánudagur.

Glasið er fullt og fagurt á að líta
og fullur máninn langt í frá magur
hann einn er á lofti svo munaðarmjúkur
og á morgun kemur mánudagur.

Askan í hrúgum og glóðin í gleri
og hann geislar máninn svo fagur
ég nýt hans einn í miðaldra myrkri
og á morgun kemur mánudagur.

Ég skála tæpur við sköllóttan mánann
og ég skelf og er dálítið ragur
ég er þó enn einn meiriháttar maður
en á morgun kemur mánudagur.

Svo heyri ég þögnina hún þegir svo hátt
og þvílíkt hve máninn var fagur
hann er að hverfa og missirinn mikill
því á morgun kemur mánudagur.

Glasið er tómt og tunglið að fara
og ég týnist einsog ókveðinn bragur
Ef til væri ósk ég hvíslaði skelfdur
ekki koma mánudagur.

Athugasemdir

[Marta B Helgadóttir, 3.3.2008 kl. 23:11]

[Kjartan Pálmarsson, 4.3.2008 kl. 09:33]

Skemmtilegt.

Ég þoli ekki Mánudag. Skána strax við Þriðjudag, í bana stuði Fimmtudag,Föstudag og Laugardag..........

[Guðrún Jóhannesdóttir, 4.3.2008 kl. 14:02]

ekki bara skemmtilegt, ýmislegt til í þessu líka er ég hrædd um. Takk fyrir mig

[Guðni Már Henningsson, 5.3.2008 kl. 00:06]

Þakka ykkur kærlega fyrir falleg orð...og Smári, ég verð á næstu næturvakt!!!