Slowhand!!!

Eric Clapton ásamt hljómsveit mun koma fram á tónleikum á Íslandi í sumar. Tónleikarnir á Íslandi eru liður í Evróputónleikaferð Claptons í kjölfar útgáfu tvöföldu safnskífunnar Complete Clapton.
Tónleikarnir á Íslandi fara fram í Egilshöll föstudagskveldið 8. ágúst.

Eric Clapton er án efa eitt af stærstu nöfnunum í tónlistarheiminum.
Clapton hefur einn manna verið vígður þrisvar sinnum inn í Rock and Roll Hall of Fame fyrir sólóferil sinn og þátttöku sína í hljómsveitunum Cream og The Yardbirds. Clapton er 18 faldur Grammy verðlaunahafi og hefur verið aðlaður af bresku drottningunni fyrir frammúrskarandi störf á tónlistarsviðinu.

Gælunafn Claptons er "Slowhand" og er hann jafnan álitinn af aðdáendum og gangrýnendum einn af bestu gítarleikurum allra tíma.
Rolling Stone tímaritið setti Clapton í fjórða sætið yfir bestu gítarleikara allra tíma og einnig á lista yfir áhrifamestu tónlistarmenn allra tíma.

Nýlega kom út tvöfaldi safndiskurinn Complete Clapton. Diskarnir innihalda 36 lög frá rúmlega 40 ára ferli Claptons sem sólólistamanns og með hljómsveitum eins og: Cream, Blind Faith og Derek and the Dominos. Degi eftir útgáfu disksins kom út ævisagan "Clapton, The Autobiography".

Á Evróputónleikaferð sinni í sumar mun Clapton fylgja eftir útgáfu safndisksins og flytja lög einsog: Sunshine Of Your Love, White Room, Layla, I Shot the Sheriff, Knockin ´On Heaven´s Door, Cocaine, Wonderful Tonight, It´s In The Way That You Use It og Tears In Heaven.

Tónleikar Claptons á Íslandi eru gríðarlegur hvalreki á fjörur tónlistaráhugafólks enda um að ræða eitt af stærstu nöfnunum í tónlistinni í dag og án efa einn af stærstu listamönnum sem mun hafa sótt landann heim.

Tónleikar Clapton fara fram í Egilshöll og verður höllinni skipt í tvö svæði á svipaðan hátt og á tónleikum Duran Duran árið 2005.
Rúmlega 10.000 aðgöngumiðar verða í boði á tónleikana.

Fyrirkomulag forsölu á tónleika Claptons á Íslandi 8. ágúst verður kynnt í næstu viku

Clapton með tónleika á Íslandi

Athugasemdir

[Steinunn Helga Sigurðardóttir, 11.2.2008 kl. 16:14]

Bless í dag

steina

[Stefán (IP-tala skráð) 11.2.2008 kl. 16:28]

Allir gítarleikarar landsins hljóta að mæta þarna í stærsta og fjölmennasta gítartíma sem haldinn hefur verið á Íslandi í 38 ár.

[Ragga (IP-tala skráð) 11.2.2008 kl. 20:49]

Ég væri vel til í að skella mér.

[Marta B Helgadóttir, 11.2.2008 kl. 21:00]

Ég ÆTLA alveg ööörugglega á þessa tónleika! Vonandi verður ekki stórmál að fá  miða....er einlægur Clapton fan! 

[Guðjón H Finnbogason, 11.2.2008 kl. 21:01]

Frábærar fréttir ég væri til í að fara það verður bara frábært.

[Eyþór Árnason, 11.2.2008 kl. 23:11]

Ég mæti. Kveðja.

[Ylfa Mist Helgadóttir, 12.2.2008 kl. 02:12]

Þetta er nú veisla fyrir menn eins og þig, ekki satt Guðni?