Ike var fínn tónlistarmaður.

Þó að samtíminn minnist hans fyrst og fremst fyrir að hafa verið vondi aðilinn í hjónabandi hans og Tinu var það ekki svo fyrst. Hún varð fræg fyrir að vera eiginkona þessa manns sem var með hljómsveit sem var bæði fræg og víðförul. Efalaust hefur Ike ekki verið við eina fjölina felldur og gert margt miður slæmt en " sá yðar sem syndlaus er kasti fyrsta steininum". Ike var fínn tónlistarmaður og gerði margt gott í tónlistinni. Hann átti að sjálfsögðu sín mögru ár og þá einkum og sér í lagi eftir að æfisaga Tinu kom út.  Þá þótti ekki par fínt að hlusta á drullusokkinn þann. En upp á síðkastið hefur virðing hans vaxið að nýju og það er stutt síðan að hann fékk grammyverðlaun.

Ike Turner látinn

Athugasemdir

[Marta B Helgadóttir, 14.12.2007 kl. 00:12]

Í mínum huga er hann bara "maður sem lemur konur" og slíkir menn eru andstyggilegt fyrirbæri.

Ég hef einhvernveginn aldrei spáð í hvernig hann var sem tónlistarmaður.  

[Guðni Már Henningsson, 14.12.2007 kl. 11:34]

Auðvitað er andstyggilegt að berja fólk...sama hver á í hlut. Líkamlegt sem og andlegt ofbeldi er ekki  þolandi.....en Ike hafði einnig aðra "hæfileika"