Strætótómatar

eru næsta stóra málið, þeir verða gulir á lit, það sprautast ekki úr þeim þegar bitið er í þá og einnig verða þeir algjörlega lyktarlausir. Þeir verða seldir saman tveir og tveir til að hægt sé að fæða sessunautinn í strætó en einsog allir vita er ekki lengur staðið í strætó; það eru alltaf til sæti handa öllum. Heyrst hefur einnig að unnið sé að lífrænt ræktuðum pulsum með öllu sem verða ætlaðar til átu í leigubílum eftir kl. þrjú að nóttu. Þær verða með þeim eindæmum að ef að farþegi missir pulsuna eða slettu af remúlaði eða öðru gumsi í sætið þá mun allt gufa upp og ekki skilja eftir bletti. Einnig mun vera til athugunar dagblöð sem mætti borða.

Gúrkur í vasann