Þetta kemur mér ......

...lítið á óvart. Dalvík hefur allt að bjóða sem bjóða þarf uppá. Fallegt bæjarstæði, náttúran með eindæmum, Svarfaðardalur í göngufæri og fallegt fólk. ..og úr því að spurt er; já ég er ættaður þaðan, móðir mín er frá þeim merkilega bæ Miðkoti sem er steinsnar frá Dalvík!!Ég sting uppá því að þeir sem aldrei hafa komið á þennan ágæta stað setji sér það markmið að mæta á Fiskidaginn mikla á næsta ári....eða noti Google Earth og skoði bæinn á þeim ágæta vef. Dan Bornstein verður svo boðinn velkominn í poppland næst þegar hann kemur til Íslands... ekki það að okkur popplendingum langi til að eitthvað verði nefnt eftir okkur....ónei...

Dan hjá Google elskar Dalvík

Athugasemdir

[elías bjarnason (IP-tala skráð) 23.11.2007 kl. 01:22]

Heill sértu frændi!

Við Miðkotsmenn látum nú ekki okkur allt fyrir brjósti brenna (þrátt fyrir þrálátt bakflæði hjá sumum).

Í kvöld leiðrétti ég skáfrænda okkar af Krossaætt þar sem hann hélt því fram að einungis hann sjálfur og frændi hans gætu rakið sig aftur til Guðs almáttugs! Þegar ég var léttilega búinn að rekja okkur saman við Sr Baldvin á Upsum, bróður Hallgríms nokkurs sem drukknaði í Hraunsvatni í Öxnadal forðum tíðar, gaf hann sig og og þýddist þá kenningu mína að við Miðkotsmenn værum einnig Guðs afsprengi, og við það stöndum við.

Habðu það sem best góur,

Elías Bj. Dodduson.