Komdu fagnandi.

Ég var flöktandi, sífellt spyrjandi
um sannleikans eina veg
fann þá leitandi, Guð minn huggandi
og leiðin varð dásamleg.

Sannleiksskapandi, gjafir gefandi
Guð á himnum allt sér
helgur guðsandi, friðar flytjandi
og fylgd heitir hann mér.

Ertu grátandi, bænir biðjandi
um bros og líknandi hlíf
komdu fagnandi að krossinum krjúpandi
og Kristur mun gefa þér líf.

Allt um lykjandi, ávallt elskandi
eilífur Guð hann er.
Kærleiksunnandi konungur ríkjandi
á krossinum dó hann þér.

komdu fagnandi að krossinum krjúpandi
og Kristur mun gefa þér líf.

komdu fagnandi að krossinum krjúpandi
og Kristur mun gefa þér líf.

Athugasemdir

[Guðrún Jóhannesdóttir, 9.10.2007 kl. 14:25]

Guðni, mikið er þetta fallegt!  Það snerti mig djúpt að lesa þetta, svona getur aðeins komið frá góðum manni!

Takk takk takk fyrir að deila þessu með okkur.

Ég hef bón til þín: má ég afrita þessi fallegu vers til að eiga annars staðar en í tölvunni?

Guð blessi þig Guðni Már Henningsson

Kveðja af skaganum.

Gunna 

[Guðjón Sigurðsson, 9.10.2007 kl. 17:54]

Eg tek undir það sem Guðrun a skaganum skrifar,og til hamingju að vera kominn i Samhjalp, eg var þar um tima og likaði vel veit ekki afhverju eg hætti að mæta.Langar að byrja að mæta aftur. Kveðja Guðjon Sigurðsson eða bara Gussi [e-mail]

[Gísli Torfi, 9.10.2007 kl. 22:58]

Já Guð er svo sannarlega góður og hann er alltaf mættur fyrstur í Stangarhyl á fimmtudögum rétt fyrir kl átta .. Veruleg smurning í þessum skrifum Guðni ..Dýrð sé drottni ...

[Gísli Torfi, 9.10.2007 kl. 23:01]

ps ... Komdu fagnandi eru orð sem ég nota mikið og einnig Ævinlega Meistari þegar ég þarf að rita einhverjum skilaboð :) gaman að þessu