Hér er byrjunin.

Kvæði sem heitir Orðið og er birt hér að neðan er eiginlega framhald á öðru kvæði sem heitir babýlon borg ánauðar. Ég hafði svosem ekki ætlað mér að birta það hér en þarsem Zeriaph bloggvinur minn hafði svo falleg orð um það ákvað ég að birta það. Við þetta kvæði er til afar fallegt lag eftir Frey Eyjólfsson vin minn en við höfum verið í nokkuð langan tíma verið að taka upp tónlistina hans við kvæðin mín, þeas trúarleg kvæði eftir mig. Vonandi kemur það einhverntímann út. En hér er kvæðið og munið að þetta er í raun texti við lag.

Hlustið! hann þegir hinn illi

og er orðinn skar

Guð minn tók stafinn

er kúgarinn bar

í Babýlon borg ánauðar.

 

Heyrið! hann lagstur er lágt

í Helju fordæmdrar

Guð minn tók stafinn

sem kúgarinn bar

í Babýlon borg ánauðar.

 

Jörð mín! í friði þú skalt

ég gef þér mitt svar

ég molaði stafinn

sem kúgarinn bar

í  Babýlon borg ánauðar.

 

Tré mín! gleðjist þið nú

Drottinn allsherjar

hann sprekaði stafinn

sem kúgarinn bar

í Babýlon borg ánauðar.

 

Guð minn! þú hreinsaðir burt

með sópi eyðingar

þú molaðir stafinn

sem kúgarinn bar

í Babýlon borg ánauðar. 

 

 

Jörð mín! í friði þú skalt

ég gef þér mitt svar

ég molaði stafinn

sem kúgarinn bar

í  Babýlon borg ánauðar.

 

Athugasemdir

[Guðsteinn Haukur Barkarson, 4.10.2007 kl. 17:54]

Miðað við þennan texta þá hlakkar mig til að heyra þetta lag! Þú ert alveg einstaklega fær höfundur Guðni, Guð blessi þig fyrir þetta myndarlega framtak.

[Guðsteinn Haukur Barkarson, 4.10.2007 kl. 18:36]

Ég er samt ekki alveg hlutlaus þar sem að Ágúst Böðvarsson er mágur minn. En ég var að hlusta á útsetningu hans við textann þinn "Faðir hér er ég" og var dolfallinn ! Þvílíkt lag og megi Guð marg blessa þig og vernda!

[Ylfa Mist Helgadóttir, 4.10.2007 kl. 21:20]

Hmmm.... ég er afar hugsi yfir þessu ljóði. En gott er það.

[Rannveig Margrét Stefánsdóttir (IP-tala skráð) 4.10.2007 kl. 21:31]

Magnað!!! Einhvern veginn þá syngur þetta sig sjálft, alla vega fór ég að raula....hlakka til að heyra lagið.  Enn og aftur Guðni, sendir þú frá þér stórkostlegan texta.  Ég tek undir orð vinar míns Zeriaph, Guð blessi þig margfaldlega.

[Guðrún Jóhannesdóttir, 5.10.2007 kl. 00:20]

bara yndislegt eins og allt sem ég hef lesið herna eftir tig, hafðu stórt takk fyrir að deila tessu með okkur. Guð veri með tér

[Steinunn Helga Sigurðardóttir, 5.10.2007 kl. 07:11]

elsku vinur minn, þetta er auðvitað fallegt, og mér finnst þú klárastur.

hafðu fallegustu helgina, og bið að heilsa katrínu og svövu

AlheimsLjós til þín

steina 

[Guðni Már Henningsson, 5.10.2007 kl. 23:16]

Þakka ykkur öllum kæru vinir fyrir hvetjandi og falleg orð...

[Ágúst Böðvarsson, 5.10.2007 kl. 23:58]

Ég hlakka til að heyra endanlega útkomu á þessu. Lagið við þetta ljóð er magnað Freyr er líka snillingur