Átti að sjóða galdrasúpu?

Það sem mér fannst kanski undarlegast við þessa frétt var það að aðeins einn fugl var í farangrinum ásamt 30 snákum. Reyndar einnig leifar af fuglum. Allt dótið var dautt og því í raun ekkert annað en leifar! En eftir að hafa hugsað málið fram og aftur var það auðvitað eðlilegt að aðeins einn fugl var í farteskinu ásamt leifum. Ég er nefnilega nokkuð viss um að maðurinn hafi ætlað sér að sjóða seyði  úr þessum leifum því ég kann nefnilega eina uppskrift sem passar við þetta. Hún er svona

30 stk dauðir snákar, gróft saxaðir og látnir liggja í sjávarsalti í viku.

1 stk dauður fugl (best ef það væri Suður Kóreaskur páfugl) má vera lundi en alls ekki mávur

1 flaska edik

1 - 2 kartöflur, soðnar í potti ásamt leifum af tveimur ristuðum fuglum

1 kg spaghetti ósoðið

2 ópalpkkar bláir

humarskeljar eftir smekk

3 lítrar af ákavíti.

 

Hráefnið er allt sett í stóran pott (nema ákavítið) og soðið í umþaðbil 2 vikur 3 daga og 2 mínútur, við vægan hita. Öllu síðan skellt í matvinnsluvél og maukað vel. Sett síðan aftur í pottinn og bætt við þremur lítrum af vatni og soðið síðan í umþaðbil 2 vikur 3 daga og 1 mínútu. Takið þá pottinn af og hellið ákavítinu saman við en áður hefur verið blandað í það þremur vikum fyrr ís með dýfu, helst frá Brynju á Akureyri. Borið fram með ferskum rabbabara.

 Ég er nokkuð viss um að þessi meinti súpugerðarmaður hefur þekkt þessa uppskrift.

Á ferð og flugi með 30 snáka

Athugasemdir

[Guðrún Jóhannesdóttir, 19.9.2007 kl. 14:07]

Held að það hafi vantað viskífleyg í uppskriftina, svona til að hella í sig FYRIR át hehehehe

[Karl Jónas Thorarensen, 19.9.2007 kl. 17:11]

Snákakjöt á víst að vera mjög gott kjöt. Myndi samt mæla með einum lítra af rommi áður, dry. Þá er öruggt að annað hvort tvent komi fyrir, A, þú borðar snákinn og mannst ekkert eftir því. B, ef þú ert eðlilegur, þá ert þú áfengisdauður og þarft ekki að borða.

[Ylfa Mist Helgadóttir, 19.9.2007 kl. 17:17]

Ég hef smakkað snákakjöt. Það var í Litháen að mig minnir þar sem hægt var að fá villigelti, páfugla og naggrísi, svo fátt eitt sé nefnt. Þetta var afbragðskjöt ef ég man rétt. Held ég hafi verið fremur full þá :)

[Steinunn Helga Sigurðardóttir, 20.9.2007 kl. 06:44]

ég vissi að þú værir góður kokkur, en svona snjallt elsku vinur ... þetta gæti verið í lagi fyrir mig að borða þó svo ég borði ekki kjöt og drekki ekki áfengi !!!

ást og Ljós til þín

steina