Guðni Már Henningsson

16.9.2007 | 20:21

Af því að nóttin er framundan...

Vernda Drottinn barnið mitt blítt

er burtu siglir dagur

kvöldið það kemur og allt verður nýtt

og kvöldsins draumur svo fagur.

Gættu þess Drottinn í draumanna heimi

og dragðu ský frá sólu

í þinni ást ég barnið mitt geymi

í angan frá rósum og fjólu.

Vernda það Drottinn frá veraldar angri

og vefðu það örmum þínum

alla þess æfi í vegferð svo langri

og í öllum draumunum sínum.

Vernda Drottinn barnið mitt blítt

er bjartur kemur dagur

þó stundum virðist gatan svo grýtt

er Guðs faðmur opinn og fagur.

Flokkur: Bloggar | Breytt s.d. kl. 20:34 | Facebook

Athugasemdir

Tl hamingju með reyklausu klukkustundirnar.

Hvur orti svo snyrtilega?

Heimir Lárusson Fjeldsted, 16.9.2007 kl. 20:27

Takk fyrir....Yðar einlægur var eittsinn að hugsa um barnið sitt og þá varð þetta til...

Guðni Már Henningsson, 16.9.2007 kl. 20:31

mikið er þetta fallegt hjá þér Guðni takk fyrir að birta það hér svo við getum notið Kveðja af Skaganum

Guðrún Jóhannesdóttir, 16.9.2007 kl. 20:36

Dásamlegt fallegt. Þú er hæfileika maður.

Linda, 16.9.2007 kl. 23:40

Sko til. Þú ræður líka við stuðla og höfuðsstafi.

Jens Guð, 17.9.2007 kl. 00:49

Ég fékk ábendingu um þetta á mína sínu og kom að kíkja, þetta er afar fallegt

Ragnheiður , 17.9.2007 kl. 11:38

Takk fyrir Ragnheiður...

Guðni Már Henningsson, 17.9.2007 kl. 12:41

..og þið öll Jens og Linda og Guðrún...þið yljið mér um hjartarætur..

Guðni Már Henningsson, 17.9.2007 kl. 12:42

þetta er alveg dásamlegt elsku vinur minn !

AlheimsLjós til þín

steina

Steinunn Helga Sigurðardóttir, 17.9.2007 kl. 15:38

Sé að skáldagyðjan hefur ekki yfirgefið þíg. Mjög fallegt ljóð/bæn. Margt breyst síðan við unnum saman í Kópavogi. Þú orðinn opinberlega trúaaður. Heyrði í þér á Omega fyrir einhverjum misserum þar sem þú fjallaðir um tónlisamenn og trú m.a. Bob Dylan. Fannst þetta skemmtilegar pælingar. Ég bý ennþá að tónlistarlegu uppeldi sem fékk frá þér árum áður. Kem til með að kýkja reglulega í heimsókn á síðunna hjá þér

Kveðjur

"Maggi Bé"

Magnús Helgi Björgvinsson, 17.9.2007 kl. 17:27

Takk Maggi vinur og vertu ævinlega velkominn.....

Guðni Már Henningsson, 17.9.2007 kl. 23:53

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Guðni Már Henningsson

Ég er mikill tónlistarunnandi og líktog einhver sagði einhverntímann, það er bara til tvennskonar tónlist; skemmtileg og leiðinleg! Einnig er ég bókafíkill og er oft á tíðum gestur í hinni frábæru verslun Nytjamarkaður Samhjálpar Stangarhyl 3. Frábær verslun!Ég styð einnig Knattspyrnufélagið Víking og það hefur verið frekar þungbært í gegnum árin! "You gotta serve somebody"