Strjúktu hendi

 

 

Strjúktu heitri hendi þinni

yfir fjöllin sjö

yljaðu grjótinu og giljunum

 

ég dansa Guð minn

yfir frostpollana

 

sjáðu kalt landið

heyrðu lóusönginn

 

ég syng síðan

sönginn okkar

og það mun bergmála

í fjöllunum sjö

allt til sjöstjörnunnar

 

og frostið í augunum

brunar svo loks

á vetrarbraut

 

til þín meistari minn

 

 

 

Athugasemdir

[Bergur Thorberg, 12.9.2007 kl. 13:45]

Lúnkinn ljóðasmiður frændi (úr Svarfaðardalnum?). Áfram með smjérið!

kv.  Bergur Thorberg

[Guðni Már Henningsson, 12.9.2007 kl. 13:49]

Þetta eru genin úr Svarfaðardalnum frændi!!!!!

[Linda, 12.9.2007 kl. 15:09]

vá, þetta var dásamleg lesning, þakka þér fyrir.

[Ragga (IP-tala skráð) 12.9.2007 kl. 15:27]

Fallegt.

[Magnús Geir Guðmundsson, 13.9.2007 kl. 00:46]

Og ég sem hélt að þú værir bara uppalin strákskömm í Bústaðahverfinu, enda yfirlýstur Víkingur!

og ekki ertu nú beinlínis með Svarfdælska framburðinn, en það er nú tóti Eldjárn ættaður frá Tjörn ekki heldur!

[Guðni Már Henningsson, 13.9.2007 kl. 09:08]

Það er grunnt á gamla framburðinum úr Dalvíkinni....baukurinn þinn....

[Steinunn Helga Sigurðardóttir, 14.9.2007 kl. 04:55]

fallegt eins og alltaf,

Ljós vinur minn til þín

steina 

[Guðrún Jóhannesdóttir, 14.9.2007 kl. 13:07]

fallegt   takk fyrir mig

[Guðni Már Henningsson, 14.9.2007 kl. 13:13]

Þakka ykkur öllum fyrir góð orð....

[Jens Guð, 14.9.2007 kl. 20:21]

  Þetta er fallegt ljóð.  Virkilega fallegt. 

  Sæunn systir mín og Kristján mágur á Uppsölum í Svarfaðardal voru eitthvað búin að nefna við mig tengingu þína við Svarfaðardalinn. 

  Svarfdælingurinn Steini Briem (pabbi Soundspell) fer líka mikinn í athugasemdakerfum á blogginu.  Skilur þar eftir sig vísur sem eru meira fyndnar en ljóðrænar.  Þannig að svarfdælsku stílbrigðin eru mörg.