Gott par.

Ingibjörg dregur Axel á eftir sér, eitthvert sem hann ætlaði sér ekki að fara, týpískt..

Axel kominn af strandstað

Þetta þykir mér nú ekki merkilegt.

Ég er nefnilega miklu bíræfnari ræningi en þetta. Einusinni ætlaði ég að ræna hænsnabú með teygjubyssu. Ég átti fína teygjubyssu sem ég af alkunnri snilld bjó til sjálfur. Flestir vita hvernig teygjubyssa lítur út. Teygjan sem ég notaði var gerð úr reiðhjólaslöngu sem klippt var í litlar teygjur og var mjög kraftmikil. Ég útbjó mér einnig grímu úr pappa sem ég hafði áður litað svartan. Setti indíánafjöður í lubbann og æfði mig á að segja stiggimöpp. Útbjó skikkju úr gömlu laki og var til í slaginn. Það var hænsnabú fyrir ofan Hæðargarðinn, hinumegin við Grensásveginn þarsem nú eru stórar blokkir. Það var heimtröð að búinu og lítið einbýlishús þar rétt hjá. Eitt síðdegið klæddi ég mig í múnderinguna og ákvað að ræna hænsnabúið. Ætlaði að ná í svona tíu kíló af eggjum og ganga síðan í nærliggjandi hús og selja ódýrustu egg í bænum. Hugur minn var nefnilega hjá peningalitlum húsmæðrum Bústaðahverfisins. Ég læddist meðfram hitaveitustokknum, með teygjubyssuna miklu tilbúna, hvíslandi stiggimöpp. Mér við hlið var ekki minni maður en Lóni Ránger ósýnilegur öllum nema mér.  Einstaka villiköttur úr hitaveitustokknum skaut okkur skelk í bringu en áfram héldum við. Skutumst yfir Grensásveginn á ógnarhraða og aftur í skjól við hitaveitustokkinn. Læddumst í skjóli skýa að hænsnabúinu sem hafði reyndar breyst í hænsnabúgarð, var orðinn ógnarstór. Efinn fór að hríslast um hetjurnar, búgarðurinn  ógnandi, kanski bara herrasetur og húsmæður Bústaðahverfisins orðnar velstæðar heimavinnandi velefnaðar konur. Höfðu í raun ekkert að gera við ódýr egg.  Kanski var best að bíða eftir hallærisárum og styrkja þær þá. kanski sniðugra að teika bara bíla og sleppa eggjunum enda voru hænurnar frekar ófríðar og eggin ekkert sérlega kræsileg. það var til betri vara í Ólabúð og Óli jú sanngjarn kaupmaður. Við Lóni Ránger ákváðum í sameiningu að splitta hópnum og ráðast á hænsnaherragarðinn síðar. Hann hefur ekki látið sjá sig enn og teigjubyssann horfin sem og hitaveitustokkurinn. Kanski er þessi bogaræningi meiri hetja en við Lóni Ránger.

Framdi rán vopnaður boga og örvum

Nautakjöt

Mikið hlakka ég  til að kaupa mér þetta nýja nautakjöt sem verður á boðstólum milli jóla og nýárs. Eitt það besta sem ég fæ er nefnilega nautahakk og spaghetti. Það verður dásamlegt að hakka þetta kjöt af nautgripum sem aldir eru á bjór og nuddaðir daglega (ekki slæmt að vera naut...allavega stundum) og kostar einhverja þúsundkalla, drekkja því í Vals tómatsósu og kaffæra það síðan með spaghetti. mmmmmmmmm Hakk og spaghetti diskur á fimmtán þúsund kall...hvað er betra?

Ekkert nema sannleikann..

 

Hér er einn af mínum uppáhaldstextum eftir Lennon.

I´m sick and tired of hearing things
From uptight, short-sighted, narrow-minded hypocritics
All I want is the truth
Just gimme some truth
Ive had enough of reading things
By neurotic, psychotic, pig-headed politicians
All I want is the truth
Just gimme some truth

No short-haired, yellow-bellied, son of tricky dicky
Is gonna mother hubbard soft soap me
With just a pocketful of hope
Money for dope
Money for rope

No short-haired, yellow-bellied, son of tricky dicky
Is gonna mother hubbard soft soap me
With just a pocketful of soap
Money for dope
Money for rope

Im sick to death of seeing things
From tight-lipped, condescending, mamas little chauvinists
All I want is the truth
Just gimme some truth now

Ive had enough of watching scenes
Of schizophrenic, ego-centric, paranoiac, prima-donnas
All I want is the truth now
Just gimme some truth

No short-haired, yellow-bellied, son of tricky dicky
Is gonna mother hubbard soft soap me
With just a pocketful of soap
Its money for dope
Money for rope

Ah, Im sick and tired of hearing things
From uptight, short-sighted, narrow-minded hypocrites
All I want is the truth now
Just gimme some truth now

Ive had enough of reading things
By neurotic, psychotic, pig-headed politicians
All I want is the truth now
Just gimme some truth now

All I want is the truth now
Just gimme some truth now
All I want is the truth
Just gimme some truth
All I want is the truth
Just gimme some truth

Eitt er víst....

...þessi maður hefur örugglega verið aðkomumaður, að sunnan að öllum líkindum...

Játaði innbrot

Ekkert undarlegt við þetta.

Ég er líka búinn að missa allt álit á mínum fjárhag...sem er svona hægt og sígandi að nálgast núllið. Samt líður mér vel, er hamingjusamur og ákaflega ánægður með fjölskylduna mína og vini mína. En, ég er viss um að danskir fjármálaspekingar myndu dæma lánshæfni mína mína álíka spennandi og kók zero. Sem, aftur á móti skiptir mig engu máli. Líklega eru margir með sömu lánfjárhæfni og ég og ef okkur er safnað saman og gerðir að fronti íslensks fjármálalífs þarf ekki sprenglærða dani til að sjá að allt er að fara í voll. En samt sem áður erum við ein ríkasta þjóð heimsins sem þýðir að það er til feikinóg af peningum á ísa köldu landi. Þeir eru bara fráteknir.

Hafa misst trúna á Íslandi

Akureyri og Græni hatturinn.

Akureyri er fallegur staður. Það vita víst flestir og það vita margir að þessi bær hefur uppá mikið að bjóða. Menningin flæðir úr hverjum kima, tónlistin mallar alsstaðar og Listagilið stútfullt af alskyns myndverkum. Græni hatturinn er einhver magnaðasti tónleikasalur landsins og þó víðar væri leitað. Haukur, vertinn á Græna hattinum er engu líkur....hann er með tónleika tvisvar til þrisvar í viku og er búinn að halda úti staðnum í fimm ár eða svo. Þvílíkur dugnaður! Ótal sveitir að sunnan hafa spilað hjá Hauki, stórar sem smáar, rokkarar, popparar, trúbadorar, nefndu það, Haukur gerir ekki upp á milli tónlistarstefna. Þarna hafa spilað heimsfrægir tónlistarmenn einsog Lisa Ekdahl og fjölmennar stórsveitir einsog Stórsveit Samúels. Einnig má nefna Megas, Hjálma, Mugison, Pétur Ben, Sviðna Jörð og fleiri. Græni hatturinn er einnig heimavöllur Hvanndalsbræðra, þeirrar merku hljómsveitar!!. Ég hvet alla til að kíkja við á Græna hattinum hvenær sem því  verður við komið. Lengi lifi Græni hatturinn...

Hvanndalsbræður með tónleika á Græna hattinum...

.....Akureyri á morgun og föstudag.

Hér kemur saga þessara ágætu bræðra einsog hana er að finna á heimasíðu bræðranna.

Ferðin frá Hvanndal til byggða!

Á dögum Ólafs Ragnars Forseta bjó sá maður í Hvanndölum sem Tómas hét; hans synir voru þeir svokölluðu Hvanndalsbræður. Hét hinn elsti Rögnvaldur, en hinir Valur og Sumarliði. Rögnvaldur hafði átta um þrítugt, en hinir voru fyrir innan þrítugt þegar þessi saga gerðist hér um bil 2002. Allir voru þeir bræður atgervismenn miklir að afli og orku og mestu ofurhugar; þeir voru vanir vosi og sjóferðum og aflamenn miklir og þóttu giftusamir löngum. Af því þeir þóttu bestu sjómenn fyrir norðan á þeim dögum fékk Ólafur Ragnar þá til að leita að Akureyri og gaf þeim til þess mikið fé.

Þeir bræður fóru þrír saman á áttæringi, ásamt einni hænu og belju og var Rögnvaldur formaðurinn; hann valdi gott veður til ferðarinnar, og höfðu þeir með sér vistir og aðrar nauðsynjar. Þeir lögðu á stað á nóni í hagstæðum byr og höfðu hálfnað sundið um sólarlag. Kom þá á fyrir þeim austansúld og svæla með dimmviðrisþoku svo varla sá út fyrir keipana, rak þá svo vestur í haf í tvö dægur því enginn kostur var að halda stefnunni suður, svo var veðurofsinn mikill með stórsjó og steypiregni. Sneru þeir þá undan og héldu til lands og náðu lendingu á Hrauni í Fljótum eftir tvo sólarhringa.

Þó svona tækist til í þetta sinn lögðu þeir bræður aftur á stað og hrepptu enn austanvind mikinn og dimmviðri. Þegar þeir höfðu siglt tvö dægur sótti þá Val og Rögnvald svo mikill svefn að þeir gátu ekki haldið sér upp. Tóku þeir þá það til ráðs að þeir bundu seglið fast og lögðust fyrir, en Sumarliði var við stjórn, aðeins hálfvakandi. Um þetta leyti létti nokkuð af dimmviðrinu svo að sást til sólar og var hún komin í vestur, en til suðurs var að sjá eitthvað hvítt og ætlaði Sumarliði að það mundi vera hafskip. En brátt sá hann að þetta var hæsta bjargið á Hrísey sjálfri og var það alhvítt af bjargfýling sem sæi á fífubing.

Vakti þá Sumarliði bræður sína með því að þeir væru komnir undir eyna. Þeir bræður ruku á fætur og tréfelldu, tóku til ára og drógu sig upp í eyjarvarið þó veðrið væri enn mikið, en þeir voru svo röskir menn að þeir róðruðu viku sjávar á eyktinni. Komust þeir svo að skeri nokkru við eyna og sópuðu þar saman fugli með báðum höndum, svo var hann mikill og spakur. Síðan renndu þeir vöðum undir eynni; en ekki urðu þeir fiskvarir að því skapi sem fuglinn var mikill.

Lögðu þeir svo að landi í vík einni, köstuðu stjóra og bundu þar við skipið, en sú yfirsjón varð þeim að þeir festu ekki landfestina svo að brimsúgurinn tók hana út fyrir þeim. Af því veðrið var mikið fór skipið þegar að reka undan eynni og urðu þeir að horfa á það þar sem þeir stóðu allslausir uppi í fjörunni.

Var það ekki að undra þó þeir kæmust við af ástandi sínu, þar sem ekkert var sýnna en opinn dauðinn fyrir. Fyrst sendu þeir beljuna til sunds en hún komst eingöngu hálfan meter áður en hún drukknaði, en Rögnvaldur var syndur og lagðist hann tvisvar eftir skipinu; en bæði vegna ofveðurs og brims sem hleypti þá í ætlaði hann varla að ná landi; en skipið rak æ lengra undan með öllu sem þeir höfðu sér til lífsbjargar, mat og drykk og fatnaði þeirra.

Í þessum hörmungum reikuðu þeir ráðþrota upp frá flæðarmálinu; varð þeim það eitt til úrræða að þeir féllu á kné á klettunum og báðu guð grátandi hjálpar og miskunnar. Síðan ráfuðu þeir upp á eyna og töluðu ekki orð frá munni.

Þá gaf guð það að sjó og vind kyrrði svo að það kom fyrst logn og þar næst hægur vindur á útsunnan svo að skipinu sveif aftur að eynni. Óttuðust þeir þá þó djúpt væri að skipið kynni að steyta á skeri þar sem þeir næðu ekki til, en það varð þó ekki.

Þeir bræður höfðu haft haldfæri með sér úr skipinu og röktu það niður í stóran hring, bundu stein í endann á því og köstuðu honum út í skipið. Vildi þeim það til lífs og bjargar að steinninn festist undir stafnlokinu á skipinu svo að þeir gátu dregið það að sér og má nærri geta hversu óumræðilegur fögnuður það mun hafa verið fyrir þá. Bjuggu þeir svo betur um skipið eftir en áður og tóku síðan fugl (langvíur) og egg í besta næði og blíðviðri.

Þeir vaðbáru eyna og var hún um 5000 faðma á lengd, en á breidd og hæð um 1000 faðma. Ferns konar grjót var á eynni og hún öll með hólum og gjám, full af grjóti og engin grastó í milli. Alls voru þeir sjö dægur við eyna; höfðu þeir þá náð 800 af fugli, ógrynni af eggjum og nokkru af fiski. Frá Hrísey var landið allt horfið sjónum nema einar þrjár þúfur, en það voru hæstu fjöll á landi.

Þegar þeir fóru frá eynni fengu þeir hagstæðan byr, farnaðist allt vel og tóku land á Árskógssandi á Maríumessu. Amma þeirra, Eivör, þóttist hafa heimt þá úr helju og varð alls hugar fegin komu þeirra. Þessi för Hvanndalsbræðra hefur síðan verið að minnum höfð.

Eftir þetta hringdu bræðurnir á leigubíl og óku leiðar sinnar til Akureyrar með ömmu sinni og hænunni.

Stuðst er við áður útgefna sögu sem má finna á http://www.snerpa.is/net/thjod/hvanndal.htm

Brátt fer að rigna

 

Eru það fjöll sem varna mér vegar

vökul og þung með hrukkur á enni?

Hvort er ég hér eða þá eða þegar

eða þú sem ég elska þegar ég nenni?

 

Þó að það sé tvennt sem mér ber að tigna

trúi ég því að brátt fari að rigna.

 

Eru það götur sem ljúfar mig leiða

langt útí fjarskann svo breiðan og bláann?

Lítið þig hingað þið stjörnur sem seiða

skapaðar á himinn svo heiðan og háann.

 

Þó að það sé tvennt sem mér ber að tigna

trúi ég því að brátt fari að rigna.

 

Er það hvíslið svo lágt sem í dag við hörmum

er hann gekk eftir rósanna vegi með krossinn?

Er ég vinurinn í garðinum sem vafði þig örmum

og valdi að gefa þér dauðann og kossinn?

 

Þó að það sé tvennt sem mér ber að tigna

trúi ég því að brátt fari að rigna.

 

 

 

 

Mugison

Það eina sem ég vil bæta við þessa frétt er að Mugiboogie, plata Mugison er frábær plata, eiginlega meistaraverk. Maðurinn er séní....og jú eitt enn, Mugiboogie verður plata næstu viku á Rás 2..... missið ekki af því. Þá verður spilað eitt lag af plötunni á klukkutíma fresti á milli níu og fjögur. Einnig verða gefin nokkur eintök...

Neytendum tónlistar treystandi